Mateo 13:24 - Maung A Balita Biblia

²⁴ Wala niy alimbawan imbaga nen Jesus ed sikara: “Say Panariay tawen alimbawa toy sakey a lakin nampasek na maung iran bokel ed dalin to.

Maung a Balita Biblia

²⁴ Wala niy alimbawan imbaga nen Jesus ed sikara: Say Panariay tawen alimbawa toy sakey a lakin nampasek na maung iran bokel ed dalin to.

Mateo 13:24 Referans Kwoze

Mateo 25:1

“Diad satan ya agew, say Panariay tawen aliling toy samploran mamarikit ya angala ray sansasakey a lamparaan, tan pinmaway iran mangabet ed nubio.

Mateo 20:1

“Say Panariay tawen singa sakey a toon walay kaubasan to. Pinmaway na kabkabwasan a mananap na mankimey.

Mateo 13:47

“Say Panariay tawen aliling to met so baleg ya iket ya impelag ed dayat tan akala na amin a klasiy sira.

Mateo 22:2

“Say Panariay tawen alimbawa toy sakey ya arin angiparaay ponsia, ta mankasal so anak to.

Mateo 13:37

Inmebat si Jesus, “Samay toon nampasek na maung iran bokel, say Anak na Too;

Lucas 13:20

Inkuan lamet nen Jesus, “Anto ni so pangiparaan kod Panariay Dios?

Lucas 13:18

Inkuanen Jesus, “Antoy aliling na Panariay Dios? Antoy pangiparaan ko?

Mateo 13:33

Sinalita nen Jesus so sakey nin alimbawa: “Say Panariay tawen aliling toy libadura ya inkames na sakey a bii ed taloran sukat na arina, anggad inmalsa may intiro angikamesan to.”

1 Pedro 1:23

Ta nianak kayo lamet aliwan diad panamegley na too, no ag ingen diad panamegley na pakayari na mabilay tan ag manganggan salitay Dios.

Mateo 13:31

Sinalita nen Jesus so sananey nin alimbawa: “Say Panariay tawen aliling toy bokel na mustasa a sakey ed saray sankamelagan a bokel. No itanem na sakey a tood dalin to, ombaleg tan magmaliw a sankabalgan ed amin da ray tantanaman. Magmaliw nin kiew tan nayarin panobungay manok iray sangasanga to.”

Mateo 18:23

Ta say Panariay tawen aliling toy sakey ya arin labay toy mikuintaan ed saray aripen to.

Mateo 13:19

Saramay ilik a dinmapod gilig na dalan aliling day salitan nipaakar ed Panarian a derengelen na totoo, balet ag da natatalusan. Laen na samay Maoges ya ekalen imay salitay Dios a dinmapod puso ra.

Mateo 3:2

Inkuanto, “Magbabawi kayod saray kasalanan yo, ta asingger lay Panariay tawen!”

Mateo 21:33

“Dengel kayo nid sakey ya alimbawa,” kuanen Jesus. “Walay sakey a toon nantanem na ubas. Inalar to tan nanggaway panagpespesay ubas. Amaalagey met na atagey a panagbantayan. Impaasikaso tod saray kasamak, insan linmad sananey a bansa.

Mateo 4:23

Niliber nen Jesus so intiron Galilea a nambabangat ed saray sinagoga. Nampupulong na Maung a Balitan nipaakar ed Panarian, tan pinapaabig to met ya amin iray a totoon walay sasakiten tan liliknaen.

COLOSAS 1:5

Nen sinmabin inmonad sikayoy katwaan na Maung a Balita, nadngel yoy ilalon iter to. Kanyan say pananisia tan panangaro yo niletneg ed ilalo yon nagamuran iray bengatlan niparaan para sikayo diad tawen.

Ezekiel 17:2

“Sika a toon ompatey,” kuanto, “salitam ed saray Israelita so sayan alimbawa

Isaias 28:13

Lapud saya ibangat kayo na Katawan diad panamegley na tonggal litra, tonggal linya, tan tonggal liksion. Diad satan niparokul kayo diad balang ikupbang yo. Nasugat kayo, napatitan kayo, tan nadakep kayo.

Isaias 28:10

Labay to itayon ibangat diad panamegley na tonggal litra, tonggal linya, tan tonggal liksion.”

Mateo 13:25

Sakey a labi balet, nen nanaogip iray totoo, walay dinmagon kalaban to ya angisibwag na saray bokel na dika; insan la linma.