Mateo 12:8 - Maung A Balita Biblia

⁸ Ta say Anak na Too so Katawan na say Agew na Panagpainawa.”

Maung a Balita Biblia

⁸ Ta say Anak na Too so Katawan na say Agew na Panagpainawa.

Mateo 12:8 Referans Kwoze

Lucas 6:5

Inkuanto nid sikara, “Say Anak na Too so Katawan na Agew na Panagpainawa.”

Marcos 2:28

Ontan sirin, say Anak na Too so Katawan na anggan Agew na Panagpainawa.”

Mateo 9:6

Paneknekan kod sikayo sirin a say Anak na Too et walay pakayari tod tapew na dalin a mamirdonay kasalanan.” Inkuantod satan ed samay paralitiko, “Alagey ka, alam tay dokulan mo, tan sempet ka la!”

Puyan 1:10

Aminsan ya agew na Katawan, niwala ak ed pakayari na Ispiritu tan nadngel kon nibeneg ko so maksil a bosis, a singa tanul na trumpita.

1 CORINTO 16:2

Kapag Simba mangibiig lay kuarta so balang sakey ed sikayo onung ed nanaalmoan to, tan tipon yo pian ag la nakaukolay pankoliktay kuarta, no onsabi ak ditan.

1 CORINTO 9:21

Ontan met, no kaibak iray Hintil mambibilay ak a singa Hintil ya ag nasasakopay Ganggan, pian natanggoyur ko ra. Ag to kabaliksan yan ag ko oonurey ganggan na Dios, ta tuan nasasakopan ak na ganggan nen Cristo.

Mateo 8:20

Inmebat si Jesus, “Wala ray ongib a panaayaman da ray asod katakelan, tan wala met iray obung da ray manok ed tagey, balet anggapoy anggan narokulan na Anak na Too.”

Mateo 12:32

Napirdona so toon manlabir na bengatlan sumpad Anak na Too; balet ag napirdona so toon manlabir na bengatlan sumpad Ispiritu Santo, natan o diad arapen a panaon.”

Mateo 12:40

No panoy impanayam nen Jonas a taloy agew tan labi ed dalem na eges na balbaleg a sira, ontan met so panayam na Anak na Too a taloy agew tan labi diad dalem na dalin.