Mateo 12:31 - Maung A Balita Biblia

³¹ Kanyan kuankod sikayo: napirdonay amin a kasalanan na too tan amin a maoges a lalabiren to balet ag balut napirdona so toon manlabir na bengatlan sumpad Ispiritu Santo.

Maung a Balita Biblia

³¹ Kanyan kuankod sikayo: napirdonay amin a kasalanan na too tan amin a maoges a lalabiren to balet ag balut napirdona so toon manlabir na bengatlan sumpad Ispiritu Santo.

Mateo 12:31 Referans Kwoze

Lucas 12:10

“Napirdona so siopaman a manlabir na bengatlan sumpad Anak na Too; balet ag napirdona so siopaman a mamaoges ed Ispiritu Santo.

Saray Hebreo 10:29

Diad isisip yo, ag kasi lalon ambelat so dusay sakey a toon balawen toy Anak na Dios, murmuraen toy dala ya amabiskeg ed sipanan ya amasantod sikato, tan pabaingan toy mapangasin Ispiritu?

Saray Hebreo 10:26

No kasumpal tin naamtaay katwaan et gagalaen tayo niy mankasalanan, anggapo lay bagat a makapaandid saray kasalanan tayo.

Saray Gawgawa 7:51

“Agaylay awet na olo yo! Agaylay ag pangoman na puso yo! Agaylay ag yo idengel ed salitay Dios! Kaparpara yo ray lalaki yo: susumlangen yo met a naynay so Ispiritu Santo!

1 Juan 5:16

No nanengneng na siopaman so agi to a manggagaway kasalanan ya ag mansusumpal ed patey, nepeg ya ipikasi to, tan say Dios itdan toy bilay yan agi. Say kipaakaran to ya et saray totoon saray kasalanan da et ag mansusumpal ed patey. Ta walay kasalanan a mansusumpal ed patey, tan ag ko ibabagan ipikasian yoy toon manggagawad saya.

1 Juan 1:9

Balet no ipatwa tayod Dios iray kasalanan tayo, pirdonaen to ray kasalanan tayo tan gawaen to itayon malinis diad pangekal to ray amin a kaogsan ed bilay tayo, lapud sikato et matoor tan matonung.

Saray Hebreo 6:4

Ta panon a magbabawi lamet iray angibeneg na pananisia ra? Aliwawaan lay kanunotan da na nipaakar ed Dios, atawayan da lay mangatatawen a langkap, tan inawat da lay pinanabang ed Ispiritu Santo.

Isaias 55:7

Saray makasalanan a totoo et ibeneg da komun so kabibilay da tan omanen day panagnunot da. Ompawil ira komun ed Katawan a Dios tayo, ta mapangasi tan sipaparaan a mamirdona.

Ezekiel 33:11

Ibagam ed sikara a legan a siak so mabilay a Katawan a Dios, ag ko panliketan so ipatey na toon makasalanan. Labay ko ingen a magbabawid saray kasalanan to tan mambilay. Israel, tondaan mo lay kaogsan a gagawaen mo. Akin et labay moy ompatey?

Isaias 1:18

Say Katawan kuanto, “Gali dia natan, ta mampapalinewan itayo. Anggaman a marotarotak kayod kasalanan, pagmaliwen ta kayon malinis a singa yilo. Anggaman ya ambalangan singa dala iray kasalanan yo, pagmaliwen ta kayon singa kapotiy bagoy karniro.

Levitico 24:16

tan pateyen. Siopamay Israelita odino sangkaili a manaayam ed dalin da ray Israelita a mansalita na maoges sumpad Katawan nepeg a tupaken na amin ya Israelita ya anggad ompatey.