Mateo 12:17 - Maung A Balita Biblia

¹⁷ Agawa ya pian napatway imbaga nen propita Isaias:

Maung a Balita Biblia

¹⁷ Agawa ya pian napatway imbaga nen propita Isaias:

Mateo 12:17 Referans Kwoze

Isaias 42:9

Tinmua la natan iray impapasakbay ko. Ibagak ed sikayo natan iray balon bengatla anggan kasakbayan na igapoy pakagawa ra.”

Juan 12:38

Asumpal sirin so sinalita nen propita Isaias nen kuanto: “Katawan, siopay anisiad saray imbaga mi? Siopay angipatnagay Katawan na pakayari to?”

Mateo 21:4

Agawa ya pian nasumpal so imbagay propita:

Mateo 13:35

Ginawa to ya pian nasumpal so imbagay propita: “Iparalan kod saray alimbawa so pansalitak ed sikara; ibagak ed sikaray bengatlan ag ni naamtaan nanlapud inkapalsay mundo.”

Isaias 44:26

Balet no walay ipasakbay na aripen ko, no walay ibakik a mangipaamta na saray planok gagawaen kon ontua ira man a pasakbay tan planok. Ibabagak ed Jerusalem a manayam lamet iray totood man, tan ibagak ed saray siudad na Juda a nipaalagey ira lamet. Onalagey lamet iray siudad ya aderal-deral.

Saray Gawgawa 13:27

Ag abirbir na saray manaayam ed Jerusalem tan saray manoley da a sikatoy Manangilaban. Ag da met atalusan iray salita na saray propita, a babasaen dan kapag Agew na Panagpainawa. Balet pinatwa ray imbabaga na saray propita nen sinintinsiaan dan nadusa si Jesus.

Juan 19:28

Kasumpal to ya, lapud amta nen Jesus ya ayari lay amin a bengatla, tan pian nasumpal so ibabagay Masanton Sulat, inkuanto, “Napgaan ak!”

Juan 10:35

Amta tayo ya ag nayarin paandien so ibabaga na Masanton Sulat. Say Dios tinawag toy diriyos iray angitdan toy salita to.

Lucas 24:44

Insan inkuantod sikara, “Sikara yay sinalitak ed sikayo nen kaibiba ta kayo ni. Imbagak ed sikayon nepeg a nasumpal ya amin iray nisulat nipaakar ed siak diad Ganggan nen Moises, diad saray sulat da ray propita, tan diad saray Salmo.”

Lucas 21:22

Ta saraya lay ‘Agew na Dusa,’ pian ontuay amin ya ibabagay Masanton Sulat.

Mateo 8:17

Ginawa to ya, pian nasumpal so imbaga nen propita Isaias, “Sikaton diliy nansakbat na saray kakapoyan tayo, tan inekal to ray sakisakit tayo.”

Mateo 12:16

balet binilin to ran ag da ibabalitad anggan siopa so nipaakar ed sikato.

Mateo 12:18

“Sava so aripen ko a pinilik, sikatoy inarok tan pakaliliketan ko. Iter koy Ispirituk ed sikato, tan sikatoy mangipakabat na katonungan ed amin a katoowan.