Mateo 12:10 - Maung A Balita Biblia

¹⁰ Walad may lakin aparalisis so sakey a lima to. Wala ra met dimay pigaran totoo a labay dan idalem si Jesus kanyan tinepet da, “Sumpa kasid Ganggan so panambal no Agew na Panagpainawa?”

Maung a Balita Biblia

¹⁰ Walad may lakin aparalisis so sakey a lima to. Wala ra met dimay pigaran totoo a labay dan idalem si Jesus kanyan tinepet da, Sumpa kasid Ganggan so panambal no Agew na Panagpainawa?

Mateo 12:10 Referans Kwoze

Lucas 13:14

Balet nampasnuk so inkargadoy sinagoga, lapud amaabig si Jesus ed Agew na Panagpainawa. Inkuantod saray totoo, “Walay anemiran agew a niganan pankimey. Laki diad sarayan agew a mampatambal, aliwan sano Agew na Panagpainawa!”

Juan 9:16

Inkuan na saray pigaran Pariseo, “Say toon nanggawa ed saya et ag nanlapud Dios, ta ag to ngingilinay Agew na Panagpainawa.” Saray arum balet kuanda, “Panoy pakagaway toon makasalanan na ontan la ran milagro?” Nambabalingaan ira sirin.

Juan 8:6

Tinepet da yan panubok ed sikato, pian walay nidalem dan sumlang ed sikato. Balet tinmuek si Jesus tan impansulat toy tamoro tod dalin.

Juan 5:10

kanyan imbaga na saray Judio ed samay toon inmabig, “Agew na Panagpainawa natan! Ag mo nepeg a libiten so dokulan mo. Sumpad Ganggan itan.”

Lucas 11:54

ta labay dan naerel ed panagsalita to.

Mateo 12:2

Nen anengneng na saray Pariseo a gagawaen da ya, inkuandad kinen Jesus, “Nengneng moy gagawaen da ra tay disipulom. Sebel itan no Agew na Panagpainawa!”

Zacarias 11:17

Pakaskasiy kipapasen na satan ya andi-kakanaan a pumapastol! Inkaindan to ray karniro to. Sigput a deralen na bakal so pakayari to. Naparalisis so taklay to, tan nabulag so kawanan a mata to.”

Isaias 32:6

Andi-kakanaan so sasalitaen na makulang-kulang tan maoges so nununoten ton gawaen. Panamabaing ed Katawan iray gagawaen tan sasalitaen to, tan ag ton balut iitdan na kakanen iray narasan o iitdan na inomen iray napgaan.

Juan 5:3

a kawalaay dakerakel iran ag makayari: saray bulag, saray piley, tan saray paralitiko.

Lucas 23:2

Ginapoan dan inakusa, “Narel mi yan too,” inkuanda, “a sosogsogan to ray totoo mi a manggaway aliwa. Isesebel to met so pambayar na buis ed Impirador. Ibabaga to nid saray totoo a sikatoy Cristo, say sakey ya ari.”

Lucas 23:14

tan inkuantod sikara, “Inyakar yo yan tood siak, ta kuanyon sosogsogan to ray totoo a manggaway aliwa. Natan, inosisak la tan naimatunan yo met, balet nalmoan ko ya anggapoy kasalanan to ed saray ipapakasalanan yod sikato.

Lucas 20:22

Ibagam pa sirin ed sikami: sumpad Ganggan kasi so pambayar na buis ed Impirador na Roma, odino andi?”

Mateo 19:3

Wala ray Pariseon sinmingger ed sikato, ta labay dan erelen ed salita to. Tinepet da, “Iyaabuloy kasi na Ganggan ya isian na sakey a laki so asawa to ya anggan antoy makasengeg?”

Isaias 59:13

Sinmumpa kamid sika, impolisay mi ka, tan ag mi ka inonur. Pinapairap mi ray arum tan inmarawi kamid sika. Pikewet iray kanunotan mi; tila ray salita mi.

Isaias 59:4

Mangisesegep kayoy kaso ed korti, balet andi kayo ed katonungan. Saray tila so panmamatalkan yod panalo yo. Papasakitan yo ray arum a totoo diad panggagawa yod saray maoges a plano yo.

Marcos 3:2

Wala ra met dimay totoon labay dan akusaen si Jesus, kanyan siniiim da no mantambal kasi ed Agew na Panagpainawa.

Juan 7:23

No segaten so ogaw ed Agew na Panagpainawa pian ag nasumlang so Ganggan nen Moises, akin et mamapasnuk kayod siak lapud impamaabig koy sakey a too ed Agew na Panagpainawa?