Mateo 11:28 - Maung A Balita Biblia

²⁸ “Dago kayod siak, amin yon nakekesawan ed panaawit yoy ambelat, ta pampainawaen ta kayo.

Maung a Balita Biblia

²⁸ Dago kayod siak, amin yon nakekesawan ed panaawit yoy ambelat, ta pampainawaen ta kayo.

Mateo 11:28 Referans Kwoze

Mateo 11:29

Sakbat yoy pakok tan manaral kayod siak, ta mauyamo tan mapaabeba ak, et makapampainawa kayo.

Juan 7:37

Diad kaonuran tan manona ya agew na pista, inmalagey si Jesus tan kuantod maksil a bosis, “Siopamay napgaan nepeg toy ondagod siak tan oninom.

Juan 6:37

Ondagon amin iray iter na Ama ed siak. Ag kon balut ipolisay so siopaman ya ondagod siak.

TAGA GALACIA 5:1

Walad sikatayoy kawayangan, ta imbolus itayo nen Cristo! Pansiansia yon malet sirin yan kipapasen yo, tan ag kayo papaaripen lamet.

Puyan 22:17

Inkuan na Ispiritu tan say Nobia, “Gala dia!” Nepeg ya amin da ray makadngel ed saya ikuanda met, “Gala dia!” Siopamay napgaan, onasingger; siopamay malabay, mangala na anggapoy bayar a danum na bilay.

Jeremias 6:16

Inkuan na Katawan ed saray totoo to, “Manalagey kayod nansasangaan na dalan, tan nengneng kayo; tepet yo no iner so kawalaan da ray dagdaan a dalan tan no iner so kawalaay sankamaungan a dalan. Dalan kayod saya, et nagamuran yoy kareenan.” Balet inkuanda, “Ag kami ondalan ed satan!”

Saray Salmo 116:7

O kamarerwak, manmatalek ka, ta maung ed siak so Katawan.

Isaias 28:12

Imbaga to ya itdan to kayon amin na inawa tan ligliwa, balet ag kayo dinmengel ed sikato.

Mateo 23:4

Manggagawa ray ambelat a sasakbaten ya ipapasakbat dad arum a totoo, balet ag da labay ya igalaw so anggan tamoro ra diad pangiba ra.

Saray Hebreo 4:1

Natan ta insipay Dios a makapampainawa tayo, nakaukolan a manalwar tayo ta ompan walad sikayoy ag makagamur ed satan a sipan.

Isaias 66:2

Siak a dili so amalsad sansinakuban. Maliket ak ed saray mapaabeba tan magbabawi, saray walay takot tan mangoonur ed siak.

Saray Salmo 38:4

Onlelereg ak ed karakel na kasalanan ko; nadedetdetan ak lapud ontan lay belat da.

2 TESALONICA 1:7

Sikayo ran mantetepel na kairapan, kaiba mi kayon naitday inawa, diad isabiy Katawan tayon Jesus a manlapud tawen tan kaiba to ray makapanyarin anghil to.

Isaias 11:10

Onsabiy agew a say balon ari a nanlapud saray manarin kabyangay boleg nen David et magmaliw a sakey a tanda ed saray bansa. Mantitipon irad panaarian ton siudad tan sikatoy igalang da.

Saray Salmo 94:13

Iitdan mo na inawa no panaoy gunigon, anggad pakakotkot na abut a pamatit ed saray makasalanan.

Isaias 61:3

A mangiter ed saray maneermen ed Sion Na liket tan gayaga, aliwan ermen, Sakey a kanta na dayew, aliwan ermen. Magmaliw iran singa saray kiew A say Katawan a dili so angitanem. Say inkatonung so gawaen dan amin, Tan nadayew so Dios lapud ginawa to.

Ecclesiastes 1:8

Amin a bengatla mansusumpal ed kapagaan—kapagaan ya ag nayarin ibalikas. Ag napepenek so mata ed inenengneng to; ag met napepenek so layag ed idedengel to.

Ecclesiastes 4:8

Walay sakey a toon mambibilay a bukbukor. Anggapoy anak to, odino say agi to, balet ag ontotondan mankimey; ag balut napepenek ed walan kayamanan to. Ag to anggan tetepeten ed sikaton dili no siopay kipaakaran na pansasagput to, tan ag to anggan manliliket. Sakey met yan andi-kakanaan, tan makapasinagem a panagbilay.

Saray Gawgawa 15:10

No ontan sirin, akin et labay yon subokey Dios diad pamapasakbat yod saray disipulo na ambelat a sasakbaten ya ag ayarian na saray atateng tayo, ni anggan sikatayo?

Say Libro nen Job 5:7

Ingen manlapud sikato met lamlamang so gunigon na too, a singa panlalapud apoy na saray talagsik.

Saray Salmo 32:4

Agew-labin dinudusa mo ak, Katawan; nakal lan sigput so biskeg ko, a singa bengatlan ambasa a pinamagay petang ed panaoy tiagew.

Ecclesiastes 1:14

Anengneng kon amin iray agawa diad mundo, et nengneng yo, andi-kakanaan ya amin. Singa oosilan mo so dagem.

Isaias 1:4

Nadudusa ka, sika a makasalanan a bansa, sikayon marotak tan maoges a totook! Ikokotep ka na saray kasalanan mo! Impolisay moy Katawan a masanton Dios na Israel tan imbeneg mo.

Say Libro nen Job 14:1

“Nianak a makapoy so too; antikey tan magunigon so bilay to.

Jeremias 31:25

Pasimbaloen koy liknaan da ray mapagpaga, tan peneken koy kakanen iray makapkapoy lad eras.

Saray Gawgawa 20:35

Impanengneng kod sikayo a diad panamegley na onyan panagkimey, nepeg yon tulongan iray maniirap tan nunoten lawas so imbalikas na dilin Katawan a Jesus, ‘Lalon maliket so mangiter nen say mangawat.’”

Jeremias 35:16

Saray kabyangay boleg nen Jonadab inonur day ganggan na laki ra, balet sikayon totoo ag yo ak inonur.