Mateo 11:19 - Maung A Balita Biblia

¹⁹ Sinmabiy Anak na Too, mangakan tan oniinom, balet kuanda, ‘Nengneng yo yan too! Masiba tan mainom na alak, tan kakaaro to ray sumisingil na buis tan saray makasalanan!’ Anggaman ontan, diad saray gawgawa so pakapatnagan a tua so kakabatay Dios.”

Maung a Balita Biblia

¹⁹ Sinmabiy Anak na Too, mangakan tan oniinom, balet kuanda, Nengneng yo yan too! Masiba tan mainom na alak, tan kakaaro to ray sumisingil na buis tan saray makasalanan! Anggaman ontan, diad saray gawgawa so pakapatnagan a tua so kakabatay Dios.

Mateo 11:19 Referans Kwoze

Lucas 19:7

Amin ya akaimatun ed saya ngoro-ngoro ra tan inkuanda, “Pasasangkaili ed sakey a toon makasalanan!”

Lucas 14:1

Aminsan ya Agew na Panagpainawa, linmay Jesus a mangan ed abung na sakey ed saray manonan Pariseo. Siniim a maung na saray totoo si Jesus.

Lucas 7:29

Dinengel na amin ya ombaley si Jesus, pati saray sumisingil na buis. Sikaray amirbir a matonung so Dios nen nampabinyag irad kinen Juan.

Probirbio 17:24

Say toon ikakana toy olo to gawan napnoy kakabatan so gegetmaen to, balet say toon makulang-kulang amayamay a bengatlay gegetmaen to.

Saray Taga Roma 15:2

Paliketen ti ingey agi tayo no pankaabigan to, pian ombiskeg so pananisia to.

Juan 2:2

Akibansal si Jesus tan saray disipulo to, ta naimbitaan met ira.

Puyan 7:12

Inkuanda, “Amen! Anggad angga komun a kayaryay Dios tayo so dayew, galang, kakabatan, pisasalamat, tanduro, pakayari, tan biskeg! Amen!”

Probirbio 23:21

Mansumpal irad kairapan na panagbilay iray bueken tan saray masisiba. No say gawaen mo et mangan tan onogip labat, ag mabayag ponasan so ikawes mo.

Mateo 5:46

No saray mangarod sikayo labat so aroen yo, anto ni tumang ya alagaren yo? Gagawaen ya met na anggan saray sumisingil na buis.

Saray Salmo 109:20

Katawan, onya komuy panusam ed saray kalaban ko— saray mamapaoges ed siak!