Mateo 10:20 - Maung A Balita Biblia

²⁰ Ta aliwan sikayoy mansalita; say Ispiritu na Ama yo so mansalitad panamegley yo.

Maung a Balita Biblia

²⁰ Ta aliwan sikayoy mansalita; say Ispiritu na Ama yo so mansalitad panamegley yo.

Mateo 10:20 Referans Kwoze

Saray Gawgawa 6:10

Balet ag da nadaeg so kakabatan ya inter na Ispiritu ed kinen Esteban.

Lucas 21:15

ta itdan ta kayoy kakabatan tan panagsalitan ag nasarag a sumlangen o paandien na saray amin a kalaban yo.

Lucas 12:12

Ta diad satan a bekta, ibangat kayoy Ispirutu Santo no antoy ibaga yo.”

2 Samuel 23:2

Say ispiritu na Katawan misasalita ed panamegley ko; walad dilak iray salita to.

2 Pedro 1:21

Ta anggapon balut so propisiyan nanlapud linaway too, no ag ingen diad impanpulong na saray totoo na salitay Dios, say Ispiritu Santo so angiwanwan ed sikara.

Saray Gawgawa 4:8

Napnoy Ispiritu Santo ya inmebat si Pedro, “Sikayon manoley tan mamatakken na baley,

Saray Gawgawa 2:4

Apano ra na Ispiritu Santo tan nansasalita ray nandoroman salita, onung ed inter ed sikara na Ispiritu.

2 CORINTO 13:3

Paneknekan kon mansasalitay Cristo ed panamegley ko, ta sikato yay anapen yo. Diad piolup tod sikayo aliwan makapoy, no ag ingen makapanyari.

1 Pedro 1:12

Nen ipakabat na saray propita ira yan katwaan a nadngel yo natan, impaamta na Dios ed sikara ya aliwan para kaabigan da so kimey da, no ag ingen para sikayo. Saray managpulong na Maung a Balita imbabaga rad sikayo ra yan katwaan, tan nampupulong iran napnoy pakayariy Ispiritu Santo a nibakin nanlapud tawen. Anggan saray anghil ed tawen nampilalekan da a natalusan ira yan katwaan.

Saray Gawgawa 28:25

Kanyan nen ag ira makapankakasakey tinmaynan la ra, kasumpal ya inkuanen Pablo, “Tuay imbaga na Ispiritu Santo ed saray lalaki yo diad panamegley nen propita Isaias!

Saray Gawgawa 13:9

Napnoy Ispiritu Santo si Saulo, a tatawagen met na Pablo. Ninengneng ton maung si Elimas,

Lucas 11:13

No sikayo, anta maoges kayo, et amta yoy mangiter na pankaabigay anak yo, lalo la sirin a say Aman walad tawen et iter toy Ispiritu Santo ed saray onkerew ed sikato.”

Marcos 12:36

Pinuyanan na Ispiritu Santo si David a nankuan: ‘Say Katawan inkuantod Katawan ko: Yorung ka ed nikawanan ko, anggad napasukok ed sika iray kalaban mo.’

Mateo 6:32

Sikara yay aanapen na saray Hintil. Amtay Ama yod tawen a nakakaukolan yo ra yan amin.

Exodo 4:12

Laka la sirin, tulongan ta kan mansalita, tan ibagak ed sika so salitaen mo.”

1 TESALONICA 2:13

Say sakey nin makasengeg na pangiiteran mi lawas na pisasalamat ed Dios, saya: nen impulong miy salitay Dios ed sikayo inawat yon aliwan salitay too, no ag ta peteg a salitay Dios. Say pakayari to yan salitay Dios et nanengneng ed panagbilay yon mananisia.