Mateo 1:1 - Maung A Balita Biblia

¹ Sikato yay listaan na saray lalaki nen Jesu-Cristo a kabyangay boleg nen David a kabyangay boleg nen Abraham.

Maung a Balita Biblia

¹ Sikato yay listaan na saray lalaki nen Jesu-Cristo a kabyangay boleg nen David a kabyangay boleg nen Abraham.

Mateo 1:1 Referans Kwoze

Genesis 22:18

Nabindisionan iray amin a bansad mundo a singa impamindision kod saray kabyangay boleg mo—lapud inonur moy ganggan ko.”

TAGA GALACIA 3:16

Natan, wala ray sipay Dios ed kinen Abraham tan say apo to. Ag ibabagay Masanton Sulat, “tan saray apo to,” a say labay ton ibaga et amayamay, no ag ingen “tan say apo to,” a say labay ton ibaga et saksakey tan si Cristo ya.

Saray Taga Roma 1:3

et nipaakar ed Anak na Dios a si Jesu-Cristo a Katawan tayo. No nipaakar ed inkatoo to, sikatoy nianak a kabyangay boleg nen David;

Puyan 22:16

“Siak, a si Jesus, so angibakiy anghil ko a mangibawag na sarayan bengatla ed saray iglisia. Siak so nanlapu ed boleg nen David. Siak so maliwliwawan bitewen ed kabwasan.”

Saray Salmo 132:11

Sinambaan mod kinen David—sakey a sipan ya ag mo benegan: “Gawaen kon ari so sakey ed saray anak mon lalaki, tan onsalat ed sikan manari.

Jeremias 23:5

Say Katawan kuanto, “Onsabiy panaon a mamili ak na ari a matonung a kabyangay boleg nen David. Sayan ari manoley a sikakabat tan gawaen tod intiron dalin so katonungan tan kaptekan.

Isaias 11:1

Saray manarin kabyangay boleg nen David et singa ra sakey a kiew ya abatang; balet onung a saray balon sanga et onsibual irad sengeg ya amatangan, ontan met a sakey a balon ari so onletaw ed saray kabyangay boleg nen David.

Juan 7:42

Ag ta kuay Masanton Sulat a diad boleg nen David so panlapway Cristo tan nianak ed Betlehem, say baley a nanayaman nen David?”

Genesis 12:3

Bindisionan ko ray mamindision ed sika, Balet isambak iray mangisambad sika. Diad panamegley mo bindisionan kon amin iray bansa ed mundo.”

Saray Gawgawa 2:30

Si David sakey a propita tan amta toy sipan na Dios ed sikato. Insipay Dios a pagmaliwen ton ari a singa si David so sakey ed saray kabyangay boleg to.

Mateo 1:18

Onyay impakaiyanak nen Jesu-Cristo: Si Maria ya ina nen Jesus akisipanan a mikasal ed kinen Jose. Balet kasakbayan na impanamung dan dua, nalmuan a malokun si Maria lapud pakayari na Ispiritu Santo.

Isaias 53:8

Inerel da tan sinintinsiaan da, insan da tinengneng a pateyen, et anggapoy wala ed saray totoo so nansumpalan to. Pinatey lapud saray kasalanan da ray totoo tayo.

Saray Taga Roma 9:5

Diad saray bantug a lalaki da ray Hebreo so sengeg na boleg da, et diad boleg da so nanlapwan nen Cristo sanen nagmaliw a too. Sikato a Dios a Sankatageyan et nagalang komun ed ando lan ando! Amen.

Saray Taga Roma 4:13

Insipay Dios ed kinen Abraham tan saray kabyangay boleg to a tawiren day sankamundoan, aliwan lapud impangonur toy Ganggan, no ag lapud apaandi ray kasalanan to diad impanisia tod Dios.

Mateo 15:22

Linmad sikatoy sakey a biin taga Canaan a manaayam diman tan inkuanto, “Katawan, Anak nen David, kasian mo ak pa! Inaponay dimonyo so anak kon bii tan mapalaloy kakairapan to.”

Mateo 9:27

Tinmaynan si Jesus ed saman a pasen tan tinombuk na duaran bulag a tinmatawag na maksil, “Anak nen David, kasian mo kami!”

Jeremias 33:26

ontan met so pangituloy koy impisipanan kod saray kabyangay boleg nen Jacob tan diad aripen kon David. Mamili ak na sakey ed saray kabyangay boleg nen David a sikatoy manoley ed saray kabyangay boleg di Abraham, Isaac, tan Jacob. Kasian ko ray totook tan paaligwasen ko ra lamet.”

Genesis 2:4

Onya so istoria na inkapalsa na sansinakuban. Nen kayari na Katawan a Dios a pinalsa so tawen tan dalin,

Mateo 3:16

Nen abinyagan lay Jesus, sinmakbit a nanlapud danum. Alokasan ed satay tawen, tan anengneng toy Ispiritu na Dios a singa malapati ya ondadapod sikato.

Zacarias 12:8

Diad satan a panaon iyagel na Katawan iray manaayam ed Jerusalem, et anggan say sankakapoyan ed sikara magmaliw a mabiskeg a singa samay kinabiskeg nen David. Saray kabyangay boleg nen David et mangipangulo ran singa anghil na Katawan, singa say Dios a dili.

Amos 9:11

Say Katawan kuanto, “Onsabiy agew ya ipawil koy gendat a kipapasen na nanarian nen David, a kaparpara toy sakey ya abung ya aderal-deral ed inkageba to. Apigeren ko ray padir to tan ipaalagey kon singa gendat.

Genesis 5:1

Sikato yay listaan na saray kabyangay boleg nen Adan. (Nen pinalsay Dios so too, ginawa ton kaolibay to.

Saray Salmo 89:36

Nawalaan lawas na saray kabyangay boleg to, tan daput onsisinag so agew asikasoen koy nanarian to.

Saray Salmo 89:3

Imbagam, “Akisipanan ak ed toon pinilik; sinambaan kod managlingkur kon David,

Mateo 1:2

Si Abraham so ama nen Isaac; si Isaac so ama nen Jacob; si Jacob so ama nen Juda tan saray agagi to.

Lucas 1:33

Manarin andi-anggaan ed saray kabyangay boleg nen Jacob, tan anggapoy anggaan so panarian to!”

1 Timoteo 2:5

Ta saksakey so Dios, tan saksakey met so manamegley ed Dios tan saray totoo, salanti say toon Cristo Jesus,

2 Timoteo 2:8

Nunot moy Jesu-Cristo a pinaolid bilay tan nanlapud boleg nen David, onung na ibabagay Maung a Balitan ipupulong ko.