Marcos 9:19 - Maung A Balita Biblia

¹⁹ Inkuanen Jesus ed sikara, “Agaylay ag yo panisiad Dios, sikayon totood sayan panaon! Anggad kapigan kasiy piolup-olup kod sikayo? Anggad kapigan kasiy pananos kod sikayo? Iyakar yo pa dia tay ogaw.”

Maung a Balita Biblia

¹⁹ Inkuanen Jesus ed sikara, Agaylay ag yo panisiad Dios, sikayon totood sayan panaon! Anggad kapigan kasiy piolup-olup kod sikayo? Anggad kapigan kasiy pananos kod sikayo? Iyakar yo pa dia tay ogaw.

Marcos 9:19 Referans Kwoze

Saray Bilang 14:11

Say Katawan kuantod kinen Moises, “Kapigay pangangga na pangipopolisay ed siak na sarayan totoo? Kapigay pangangga na ag da panmatalek ed siak, anggaman ya amayamay iray milagron ginagawak ed arap da?

Juan 20:27

Insan to inkuan ed kinen Tomas, “Itobung mo dia tay tamorom tan nengneng mo ray limak. Iyonat mo tay limam tan iseksek mod diking ko. Ag ka manduaduaruwa, no ag ingen manisia ka la!”

Marcos 16:14

Kasumpal to ya, pinmanengneng si Jesus ed saray labinsakey a disipulo legan dan mangakan. Nampasnukan to ra, lapud anawet so puso ra tan ag ira anisia ed saramay akanengneng ed sikato ya inmoli lad bilay.

Saray Bilang 14:27

“Kapigay itondan manriklamo sumpad siak ira yan maoges a totoo? Alabas lay nadngel kon riklamo ra!

Lucas 24:25

Inkuanen Jesus ed sikara, “Agaylay kakulangay panagnunot yo! Akin sirin et mairap kayon manisia ed amin ya imbaga da ray propita?

Lucas 9:41

Inmebat si Jesus, “Agaylay kinaoges tan ag yo panisiad Dios, sikayon totood sayan panaon! Anggan kapigan kasiy piolup-olup kod sikayo? Anggad kapigay pananos kod sikayo?” Insan inkuantod samay too, “Iyakar mo pa dia tay anak mo.”

Mateo 17:17

Inmebat si Jesus: “Agaylay kinaoges tan ag yo panisiad Dios, sikayon totood sayan panaon! Anggad kapigan kasiy piolup-olup kod sikayo? Anggad kapigan kasiy pananos kod sikayo? Iyakar yo pa dia tay ogaw.”

Deuteronomio 32:20

Inkuanto, ‘Ag ko la ra tulongan; nengnengen kod satan no antoy nagawa ed sarayan anawet so olo tan aliwan matoor a totoo.

Saray Bilang 14:22

anggapod sarayan totoo so makaloob ed saman a dalin. Anengneng da so kagalangan ko tan saray milagron ginagawak dimad Egipto tan diad kalawakan, balet sinusubok da ak ya amimpigapiga tan ag da ak inonur.

Juan 12:27

“Nagugunigon ak natan; anto kasiy ibagak? Ikuanko kasi, ‘Ama, ilaban mo ak ed oras na panliknak na kairapan’? Andi, ta say panliknak na kairapan so inakaran ko dia.

Saray Salmo 78:22

ta ag ira nanmatalek ed sikato tan ag ira anisia ya ilaban to ra.

Marcos 9:18

Kapag pasigien na ispiritu ya inmapon ed sikato, natumba tan mamboraboray songut to. Manngalngalatenget iray ngipen to, insan mampatalker so intiron laman to. Kinerew kod saray disipulom a paekalen da so maoges ya ispiritu balet ag da nayarian.”

Marcos 9:20

Inyasingger da sirin imay ogaw ed sikato. Kanengneng na maoges ya ispiritud kinen Jesus, pinatayegteg to may ogaw. Niparugsod dalin, insan nantolin-tolin tan nambora-boray songut to.