Marcos 9:17 - Maung A Balita Biblia

¹⁷ Inmebat so sakey ed saramay akamokut, “Maistro, inyakar kod sikara yay anak kon laki lapud inaponay maoges ya ispiritu tan ag makasalita.

Maung a Balita Biblia

¹⁷ Inmebat so sakey ed saramay akamokut, Maistro, inyakar kod sikara yay anak kon laki lapud inaponay maoges ya ispiritu tan ag makasalita.

Marcos 9:17 Referans Kwoze

Lucas 11:14

Aminsan, mamapaekal si Jesus na sakey a dimonyon mamapaemel ed sakey a laki. Kaekal na dimonyo, nansalita may laki. Mankelaw iray totoo,

Marcos 9:25

Nen anengneng nen Jesus a pinasia lay totoon ondarago, ingganggan tod ispiritun maoges, “Ispiritun managpaemel, iganggan kod sikan ekal kad satay ogaw, tan ag ka lan balut ompapawil ed sikato!”

Juan 4:47

Nen nadngelan ton linmay Jesus ed Galilea a nanlapud Judea, tinombuk to tan akikasin milay Jesus ed Capernaum, ta patambal to may anak ton ngalngali la ompatey.

Lucas 9:38

Walay sakey a tood man ya inmeyag, “Maistro! Kerewen kod sika a nengneng mo pay anak konlaki. Bukbukor to ni met yan anak ko!

Marcos 10:13

Wala ray totoon angawit na ogogaw ed kinen Jesus, ta labay dan diwiten to ra yan ogogaw. Balet nampasnuk iray disipulo ed sarayan totoo.

Marcos 7:26

Griega yan bii tan nianak ed Fenicia, sakey baley ed Siria. Akikasid kinen Jesus a paekalen to la komun so dimonyo walad anak to.

Marcos 5:23

tan akikasi, “Ompapatey so anak kon manmarmarikit. Mila ka kari, ta itapew mo labat so limam ed sikato, et onabig tao mambilay!”

Mateo 17:15

tan inkuanto, “Katawan, kasian moy anak kon laki, ta dumurulot tan mapalaloy kakairapan to. Naynay a natumbad apoy tan napelag ed danum no onsigi.

Mateo 12:22

Inyakar dad kinen Jesus so sakey a lakin bulag tan ag makasalita lapud inaponay dimonyo. Pinaabig nen Jesus, kanyan makanengneng tan makatongtong la.

Mateo 9:32

Nen oonla la ra, wala ray angyakar ed kinen Jesus na sakey a lakin emel lapud inaponay dimonyo.

Marcos 9:16

Tinepet nen Jesus ed sikara, “Antoy pisasangsangan yod sikara?”

Marcos 9:18

Kapag pasigien na ispiritu ya inmapon ed sikato, natumba tan mamboraboray songut to. Manngalngalatenget iray ngipen to, insan mampatalker so intiron laman to. Kinerew kod saray disipulom a paekalen da so maoges ya ispiritu balet ag da nayarian.”