Marcos 8:34 - Maung A Balita Biblia

³⁴ Pinaasingger natan nen Jesus iray totoo tan saray disipulo to. Inkuanto, “Siopamay malabay ya ontombuk ed siak, nakaukolan a lingwanan toy sikaton dili, sakbaten toy krus to, insan ontombuk ed siak.

Maung a Balita Biblia

³⁴ Pinaasingger natan nen Jesus iray totoo tan saray disipulo to. Inkuanto, Siopamay malabay ya ontombuk ed siak, nakaukolan a lingwanan toy sikaton dili, sakbaten toy krus to, insan ontombuk ed siak.

Marcos 8:34 Referans Kwoze

Mateo 10:38

Siopamay ag to sakbatey krus to tan ontombuk ed siak, ag manepeg a disipulok.

Juan 10:27

Ondedengel na bosis ko ray karnirok. Amtak ira tan totombuken da ak.

1 Saray Arari 14:8

Inekal koy nanarian ed saray kabyangay boleg nen David tan inter kod sika. Balet ag mo naaligan si aripen kon David a sigput so inkatoor tod siak, inonur to ray ganggan ko, tan say matonung labat so ginawa to ed arap ko.

TAGA GALACIA 5:24

Tan saray kayaryan nen Cristo Jesus et impasak da lad krus so inkatoo ra, pati saray maoges a liknaan tan pilalek to.

TAGA GALACIA 2:20

Inatey ak la a kaiba nen Cristo a nipasak ed krus, kanyan aliwa lan siak a dili so mambibilay, no ag ingen si Cristo so mambibilay ed siak. Mambibilay ak natan ed sayan mundo diad panamegley na pananisiak ed Anak na Dios ya angarod siak tan angibagat na bilay to lapud siak.

1 Juan 3:16

Onyay pakaamta tayoy kabaliksan na aro: inter nen Cristo so bilay to para sikatayo. Nepeg tayo met sirin ya iter so bilay tayo para saray agagi tayo!

Saray Bilang 14:24

Balet lapud domay liknaan nen Caleb tan nansiansian matoor ed siak, abuloyan kon makakar ed dalin a nila ton ninengneng, tan kayaryanen na saray kabyangay boleg to iman a dalin

Mateo 16:24

Inkuanen Jesus ed saray disipulo to, “Siopamay malabay ya ontombuk ed siak, nakaukolan a lingwanan toy sikaton dili, sakbaten toy krus to, insan ontombuk ed siak.

FILIPOS 3:10

Say pilalek ko lan nagamuran natan et say pakapikabat kon maung ed Cristo, say pakasalik na pakayariy inkioli to, say pakapinabang kod impanirap to, tan say pakapiparak ed impatey to,

Saray Taga Roma 8:17

Et natan ta anak itayo lay Dios, mananawir ti la na Dios tan kaiba tin mananawir si Cristo. Ta no minabang itayod kairapan to, minabang itayo met ed kagalangan to.

Lucas 9:23

Insan inkuantod sikaran amin, “Siopamay malabay ya ontombuk ed siak, nakaukolan a lingwanan toy sikaton dili, sakbaten ton inagew-agew so krus to, insan ontombuk ed siak.

COLOSAS 3:5

Kanyan ibantak yo la ray mangaraldalin a pilalek yo, a singa saraya: inmoralidad, kabandayan, maoges a pilalek na laman, maoges a getma, agom (ta say kinaagom et sakey a klasiy panangigalang ed talintaoy dios).

FILIPOS 3:7

Balet lapud Cristo, saray nayarian kon ipasen a tubo, ipapasen ko la ra natan ya adarak.

1 Pedro 4:1

Lapud nanirap ed laman si Cristo, nepeg a sipaparaan ki met a manirap a singa sikato. Ta say maniirap ed laman ibebeneg to lay kasalanan.

TAGA GALACIA 6:14

Balet no para siak, anggapo lay arum a pampasirayewan ko no ag say krus labat na Katawan tayon Jesu-Cristo; ta diad panamegley na krus to, say sankamundoan inatey la para siak, tan inatey ak la para sankamundoan.

1 CORINTO 15:31

Susubaen koy patey ya inagew-agew, agagi! Ibabagak ya, ta ikikinon ta kayo, lapud pikakasakey tayod Cristo Jesus a Katawan tayo!

Saray Taga Roma 6:6

Amta tayon kaiba nen Cristo a nipasak ed krus so daan ya inkatoo tayo, pian naderal so makasalanan ya inkanatural tayo, et diad ontan ag ti la paaripen ed kasalanan.

Lucas 14:33

Ontan met sirin, anggapoy nayarid sikayon magmaliw a disipulok no ag to ikaindan iray amin a kayaryan tod sayan bilay.”

2 Pedro 1:14

Amtak ya asingger ak lan ompatey onung na impaamtan malinew ed siak na Katawan tayon Jesu-Cristo.

1 Pedro 4:13

Ingen, manliket kayo ta minanabang kayod saray kairapan nen Cristo, pian napano kayoy liket no nipaamta lay kagalangan to.

Tito 2:12

Sayan panangaro ibangat to itayon mangibeneg ed aliwan masanto a panagbilay, tan saray minumundon maoges a pilalek. Ibangat to itayo met a mambilay a maadya, maptek tan masanto diad tapew na dalin,

COLOSAS 1:24

Makaliliket ak natan ed paniirap ko para sikayo, tan nitutuloy koy kairapan a nepeg nin liknaen nen Cristo para laman to, salanti say iglisia.

Saray Gawgawa 14:22

Pinabiskeg day linawa na saray disipulo, tan binilin da a mansiansia ran matoor ed pananisia. Inkuanda met ed sikara, “Dakel iray nepeg tin palabasen ya irirap diad iloob tayod Panariay Dios.”

Lucas 18:22

Kadngel nen Jesus ed saya inkuanto, “Wala niy sakey a kakulangan mo. Ilakom ya amin so kayaryan mo, insan mo iter ed saray mairap-bilay so panlakoan mo. Nawalaan kad satan na kayamanan ed tawen. Insan ka dia ompawil ya ontombuk ed siak.”

Lucas 13:24

“Gawa yoy anggaay nayarian yon onloob ed mainget a puirta, ta kuankod sikayo: amayamay iray totoon mampilalek ya onloob, balet ag da nayariay onloob.

Mateo 27:32

Nen ompapaway ira, nabet day sakey a lakin taga Cirene a manngaray Simon, tan pinasoot dan impasakbat ed sikatoy krus nen Jesus.

Puyan 2:10

Ag mo tatakotan iray kairapan ya asingger mo lan sakbaten. Dengel ka! Diad panubok na Diablo, paipriso toy pigarad sikayo; nairapan kayon samploy agew. Mansiansia kan matoor ed siak ya anggad patey, et iter kod sikay korona na bilay.

Saray Hebreo 13:13

Kanyan onla itayod sikato diad paway na kampo tan minabang ti met ed kababaingan to.

2 TESALONICA 3:11

Asalita mi ya ta nadngelan min wala rad sikayoy mambibilay a mangingiras, ya anggapoy gagawaen da no ag say mibabalid bilay na arum a totoo.

1 CORINTO 9:19

Bolus ak tan anggapon balut so mangaariped siak, balet papaaripen ak ed amin a too, pian dakel so natanggoyur kod pananisia.

1 CORINTO 8:13

Kanyan no kakanen so makasengeg na pankasalanan na agik, ag ak lan balut mangan na karni, pian ag ko la nalagyat a mankasalanan so agik.

Juan 19:17

tan pinmaway a sankasakbat toy krus to a mamaarap ed pasen a tatawagey “Pasen na Lapis-lapis na Olo.” (Diad salitay Hebreo, tatawagey “Golgota.”)

Lucas 20:45

Leleg ya onderengel ya amin iray totoo ed kinen Jesus, inkuantod saray disipulo to,

Marcos 10:21

Maararon ninengneng nen Jesus, tan kuantod sikato, “Wala niy sakey a kakulangan mo. Laka, ta ilakom ya amin so kayaryan mo, insan mo iter ed saray mairap-bilay so panlakoan mo. Nawalaan kad satan na kayamanan ed tawen. Insan ka dia ompawil ya ontombuk ed siak.”

Marcos 7:14

Pinaasingger lamet nen Jesus iray totoo tan inkuantod sikara, “Dengel kayon amin tan talusan yoy ibagak.