Marcos 7:34 - Maung A Balita Biblia

³⁴ Tinmangay si Jesus ed tawen, inmingas na araldalem, tan inkuanto, “Ephphatha,” a kabaliksan toy, “Lokas ka!”

Maung a Balita Biblia

³⁴ Tinmangay si Jesus ed tawen, inmingas na araldalem, tan inkuanto, Ephphatha, a kabaliksan toy, Lokas ka!

Marcos 7:34 Referans Kwoze

Juan 11:41

Impaliis da sirin imay bato. Tinmangay si Jesus tan kuanto, “Misalamat ak ed sika Ama, ta dinengel mo ak.

Marcos 6:41

Insan inala nen Jesus ira may limaran tinapay tan duaran sira, tinmangay ed tawen, tan akisalamat ed Dios. Pinipisag to ra may tinapay tan inter to rad saray disipulo to, ta ibunog dad saray totoo. Ontan met, inaapag tod sikaran amin ira may duaran sira.

Marcos 5:41

Binembenan tod lima tan inkuanto, “Talitha, koum,” a say labay ton ibaga, “Ining, ibabagak ed sika, bangon ka!”

Saray Gawgawa 9:34

“Eneas,” inkuanen Pedro, “paabigen ka nen Jesu-Cristo. Bangon ka tan sinup moy dokulan mo.” Binmangon a tampol si Eneas.

Juan 11:33

Atenyeg so puso nen Jesus tan agunigon nen anengneng ton mannangnangis si Maria tan saray Judion kakaiba to.

Marcos 15:34

Diad alas tris, inmeyag si Jesus na makmaksil, “Eloi, Eloi, lema sabachthani?” a labay ton ibaga, “Dios ko, Dios ko, akin et inkaindan mo ak?”

Marcos 8:12

Inmingas na araldalem si Jesus, insan inkuanto, “Akin et mananap na milagro ray totood sayan panaon? Ibagak ed sikayo, ag ira naitdan na antokaman a milagro!”

Saray Gawgawa 9:40

Pinapaway nen Pedro ran amin, insan nantalimukor a nampikasi. Inarap to may bangkay, insan inkuanto, “Tabita, bangon ka!” Minmorikat, et nen anengneng toy Pedro, inmirung.

Juan 11:43

Kasumpal ton imbaga ya, inmingal na maksil a kuanto, “Lazaro, paway ka!”

Saray Hebreo 4:15

Sayan Pangulon Pari tayo walay pililikna tod saray kakapoyan tayo, ta asali ton singa sikatayo so amin a klasiy tukso, balet ag nankasalanan.

Juan 17:1

Nen asumpal nen Jesus ya imbaga ra ya, tinmangay ed tawen tan kuanto, “Ama, sinmabi lay oras. Pagalangan moy Anak mo, pian napagalangan ka met na Anak.

Juan 11:38

Maerermen lamet si Jesus tan linmad lobuk ya inyongib a walay akasaran bato.

Juan 11:35

Nannangis si Jesus,

Lucas 19:41

Asingsingger lay Jesus ed siudad na Jerusalem. Kanengneng tod siudad inakisan to

Lucas 18:42

Inkuanen Jesus ed sikato, “Makanengneng ka! Say pananisiam so amaabig ed sika.”

Lucas 7:14

Inmasingger, insan to diniwit so longun, kanyan tinmonda ra may mangaawit. Inkuanto natan, “Balolaki, kuankod sika, bangon ka!”

Marcos 1:41

Akasian nen Jesus kanyan inyonat toy lima to, diniwit to, tan inkuanto, “Labay ko. Abig ka la!”

Isaias 53:3

Binabalaw tan impopolisay na totoo; intepel toy kairapan tan sulit. Anggapoy anggan onnengneng ed sikato— ag inasasikaso na totoo a singa anggapoy kabaliksan ton too.

Exodo 2:23

Kalabas na abayag a panaon inatey so ari ed Egipto, balet manngesnges ni ray Israelita ed kairapan na pakakaaripen da, kanyan kinmerew iray tulong ed Dios.

Marcos 7:35

Akadngel a tampol nakal so panaataata to, tan akapansalitay maptek.