Marcos 6:51 - Maung A Balita Biblia

⁵¹ Akilogan ed kawalaan dan baloto. Kabebekta, tinmonda may maksil a dagem. Nikelawan a maung iray disipulo,

Maung a Balita Biblia

⁵¹ Akilogan ed kawalaan dan baloto. Kabebekta, tinmonda may maksil a dagem. Nikelawan a maung iray disipulo,

Marcos 6:51 Referans Kwoze

Marcos 4:39

Binmangon si Jesus tan ingganggan to may maksil a bagyo, “Tonda ka!” Insan kuantod saray daluyon, “Deen kayo!” Tinmondan tuay bagyo tan dinmeen a maung so dayat.

Juan 6:21

Malikeliket iran amalogan ed kinen Jesus tan sinmarsar a tampol so baloto ed pasen a laen da.

Marcos 7:37

Ontan lay pankelaw da ray akadngel ed sayan balita tan inkuanda, “Agaylay abig na amin a gagawaen to! Iitdan toy pakadngel iray telek, tan pakasalita iray emel!”

Marcos 6:32

Nambaloto ran linmad sakey a pasen ya ag natotoowan.

Marcos 5:42

Binmangon a tampol imay ogaw, a mantaoy labindua, tan nanakar. Ontan lay pankelaw dan amin.

Marcos 4:41

Asabian iray balbaleg a takot tan inkuandad sakey tan sakey, “Siopa kasi yan too, a pati say dagem tan saray daluyon et ontotoluk irad sikato?”

Marcos 2:12

Naimatonan dan amin ya inmalagey, inala toy dokulan to, insan la linman tampol. Agaylay pankelaw na amin a totood man tan indayew day Dios. “Ag kami ni akanengneng na onya!” kuanda.

Marcos 1:27

Agaylay pankelaw dan amin, kanyan nantetepetan ira, “Anto ya kasi? Balo ya kasin bangat? Walay pakaoley to yan too a mangganggan ed saray maoges ya ispiritu, et oonuren da!”

Mateo 8:10

Mankelaw si Jesus nen nadngel to ya. Inkuantod saray totoon manomtombuk ed sikato, “Kuankod sikayo: ag ko ni akarumog na singa onyan pananisiay too, ya anggan diad Israel.