Marcos 6:37 - Maung A Balita Biblia

³⁷ Inmebat si Jesus, “Sikayo ingey mangiter na kanen da.” “Say labay mon ibaga,” kuanda, “onla kamin manaliw na tinapay a mambili na duan lasus a dinario ya iter min kanen da?”

Maung a Balita Biblia

³⁷ Inmebat si Jesus, Sikayo ingey mangiter na kanen da. Say labay mon ibaga, kuanda, onla kamin manaliw na tinapay a mambili na duan lasus a dinario ya iter min kanen da?

Marcos 6:37 Referans Kwoze

Saray Bilang 11:13

Iner so pakalaan koy karnin para sarayan amin a totoo? Mikakasi ra lawas ya onkerew ed siak na karni.

Lucas 9:13

Balet inkuanen Jesus ed sikara, “Sikayo ingey mangiter na kanen da.” Inmebat ira, “Anggapoy kanen tayo no ag labat limaran tinapay tan duaran sira. Say labay mon ibaga, onla kamin manaliw na kanen da ra yan amin a totoo?”

Mateo 14:16

“Ag nakaukolan ya onsempet la ra,” kuanen Jesus. “Sikayo ingey mangiter na kanen da.”

2 Saray Arari 7:2

Say opisyal ya angolup ed ari kuantod kinen Eliseo, “Ag itan nagawa—anggan mangipelag na oran a tampol so Katawan!” “Nanengneng mon nagawa, balet ag mo natawayan yan tagano,” ebat nen Eliseo.

Mateo 18:28

“Nen ompaway la may aripen, nabet toy kapara ton aripen ya akautang ed sikatoy pigan lasus a pisos. Siningkat to, insan to titikelen. ‘Bayaran mo lay utang mod siak!’ inkuanto.

Marcos 6:36

Ibakim la ray totoo a manaliw na kanen da diad kaliber-liber iran bario tan baley.”

Marcos 6:38

“Pigaray awit yon tinapay? Lakayo pa ta nengneng yo,” inkuantod sikara. Nen anengneng da inkuanda, “Walay limaran tinapay tan duaran sira.”

Lucas 7:41

Inkuanen Jesus, “Walay duaran too ya akautang ed sakey a managpabayes na kuarta. Say sakey akautang na sanliboy pisos tan samay sakey akautang met na sanlasus pisos.