Marcos 6:15 - Maung A Balita Biblia

¹⁵ Inkuan met na saray arum, “Si Elias ya.” Wala ni ra ingey mangibabaga, “Sakey yan propita, a singa saray propita nen saman.”

Maung a Balita Biblia

¹⁵ Inkuan met na saray arum, Si Elias ya. Wala ni ra ingey mangibabaga, Sakey yan propita, a singa saray propita nen saman.

Marcos 6:15 Referans Kwoze

Mateo 21:11

Inmebat iray totoo, “Sikato yay propitan manngaray Jesus a taga Nazaret na Galilea.”

Marcos 8:28

Inmebat irad sikato, “Wala ray mangibabagan sika si Juan a Managbinyag. Ibabagay arum a sika si Elias; wala met iray mangibabagan sakey ka ed saray propita.”

Mateo 16:14

Inmebat ira, “Wala ray mangibabagan si Juan a Managbinyag. Ibabagay arum a si Elias; wala met iray mangibabagan si Jeremias o sakey ed saray propita.”

Malakias 4:5

“Balet kasakbayan na isabi na baleg tan makapataktakot ya agew na Katawan, ibakik ed sikayo si propita Elias.

Juan 9:17

Tinepetan lamet sirin na saray Pariseo may laki. Inkuanda, “Sika met ey, antoy nibagam nipaakar ed sikato, bangta initdan to kay pakanengneng?” Inmebat imay laki, “Propita man a too.”

Juan 7:40

Nen nadngel da yan salita nen Jesus, inkuan na saray arum, “Talagan saya may propitan aalagden tayo!”

Juan 6:14

Diad impakanengneng na saray totood sayan milagron ginawa nen Jesus, inkuanda, “Sikato yan tua may Propita ya onsabid sankamundoan!”

Juan 1:25

Tinepet dad kinen Juan, “No aliwa kan Cristo, odino si Elias, odino samay Propita, akin et mamibinyag ka?”

Juan 1:21

Tinepet da, “Siopa ka sirin? Sika si Elias?” “Andi, aliwan siak,” ebat to. “Sika may propita ya alagden mi?” tinepet da lamet ed sikato. “Andi,” ebat tod sikara.

Lucas 9:19

“Wala ray mangibabagan sika si Juan a Managbinyag,” ebat da. “Ibabagay arum a si Elias ka; wala met iray mangibabagan sakey ka ed saray propita nen saman ya inmolid bilay.”

Lucas 9:8

Wala met iray mangibabagan pinmanengneng si Elias. Wala ni ray arum a mangibabagan abilay so sakey ed saray propita nen saman.

Lucas 7:39

Nen anengneng ya na samay Pariseon angimbita, inkuantod sikaton dili, “No tuan propita yan too, kabat to komun no siopa yan bii so mandiriwit ed sikato—sakey a makasalanan!”

Lucas 7:16

Asabiay takot iray amin a wadman, tan indaydayew day Dios. Inkuanda, “Sinmabid pegley tayo so matalonggaring a propita! Ag nilingwanay Dios ya ilaban iray totoo to!”

Lucas 1:17

Onlan onona nen say Katawan, tan nawalaan na singa pakayari tan ispiritu nen propita Elias. Papawilen toy panaarowan da ray ama tan anak. Papawilen to met ed dalan da ray matonung iray totoon bangar. Diad ontan, iparaan to ray totoo a mangawat ed Katawan.”

Marcos 6:16

Nen nadngel ya nen Herodes, inkuanto, “Si Juan yan impapotulan koy olo. Inmolid bilay!”