Marcos 5:35 - Maung A Balita Biblia

³⁵ Mansasalita niy Jesus nen pigaran totooy sinmabi a nanlapud abung nen Jairo. “Inatey lay anak mo,” kuanda, “akin et aabalaen mo niy Maistro?”

Maung a Balita Biblia

³⁵ Mansasalita niy Jesus nen pigaran totooy sinmabi a nanlapud abung nen Jairo. Inatey lay anak mo, kuanda, akin et aabalaen mo niy Maistro?

Marcos 5:35 Referans Kwoze

Lucas 8:49

Nen peles nen Jesus a mansasalita, sinmabiy sakey a lakin nanlapud abung to may inkargadoy sinagoga. “Inatey lay anak mo,” kuantod kinen Jairo, “akin et aabalaen mo niy Maistro?”

Juan 11:39

“Ipaliis yoy bato!” ingganggan nen Jesus. Inmebat si Marta ya agi to may inatey, “Katawan, maoges lay angub to natan, ta apat agew to lad dalem!”

Juan 11:28

Kapangibaga nen Marta ed saya, pinmawil ed abung. Tinawag toy agi ton Maria tan inyesaes to, “Wadya lay Maistro; patatawag to ka.”

Juan 5:25

Ibagak ed sikayoy katwaan: onsabiy oras, ginmapo la ingen, a narengel na saray inaatey so bosis na Anak na Dios, tan mambilay iray makadngel.

Marcos 10:17

Nen onaalis lay Jesus, walay sakey a lakin mambabtik a linmad sikato. Tinmalimukor ed arap nen Jesus, insan tinepet to, “Maung a Maistro, antoy nepeg kon gawaen pian nagamuran koy bilay ya andi-anggaan?”

Marcos 5:22

Wala met so dinmagon sakey a toon manngaray Jairo, sakey ya opisyal na sinagogad man. Kasabi to, dinmakmomod arap nen Jesus

Juan 11:32

Akasabiy Maria ed pasen a kawalaan nen Jesus. Nen anengneng toy Jesus, dinmakmomod saliyan to, tan kuanto, “Katawan, no wadya ka labat, ag komun inatey so agik!”

Juan 11:25

Inkuanen Jesus ed sikato, “Siak so kiolid bilay tan say bilay. Siopamay manisiad siak anggan ompatey, nabilay;

Juan 11:21

Inkuanen Marta ed kinen Jesus, “Katawan, no wadya ka labat, ag komun inatey so agik!

Mateo 26:18

Inmebat si Jesus, “Laka yod sakey a toon wadman ed siudad tan ikuanyod sikaton ibabagay Maistro: ‘Asingger lay oras ko. Diad abung moy pamaskuan ko tan saray disipulok.’”

Mateo 9:18

Nen peles nen Jesus ya ibabaga ra ya, sinmabiy sakey a Judion opisyal. Tinmalimukor ya angigalang ed arap nen Jesus tan inkuanto, “Kapatepatey na anak kon bii. Balet mila kad siak, itapew moy limam ed sikato, pian nabilay.”

Mateo 26:10

Amta nen Jesus so ibabaga ra, kanyan inkuanto, “Akin et balbalawen yo yan bii? Maabig tan marakep yan ginawa tod siak.