Marcos 4:38 - Maung A Balita Biblia

³⁸ Akadanganan a naogip si Jesus, diad bandad samput na baloto. Niliing na saray disipulo tan inkuanda, “Maistro, anggapo labat so pagpagam? Onlelereg itayo la!”

Maung a Balita Biblia

³⁸ Akadanganan a naogip si Jesus, diad bandad samput na baloto. Niliing na saray disipulo tan inkuanda, Maistro, anggapo labat so pagpagam? Onlelereg itayo la!

Marcos 4:38 Referans Kwoze

1 Pedro 5:7

Imatalek yod sikato ray amin a kapagaan yo, ta asikasoen to kayo.

Saray Hebreo 4:15

Sayan Pangulon Pari tayo walay pililikna tod saray kakapoyan tayo, ta asali ton singa sikatayo so amin a klasiy tukso, balet ag nankasalanan.

Mateo 8:25

Saray disipulo nila ran binangon tan inkuanda, “Ilaban mo kami, Katawan, ta onlelereg itayo la!”

Lucas 8:24

Sininggeran na saray disipulo si Jesus tan binangon da. “Maistro, Maistro, onlelereg itayo la!” kuanda. Binmangon si Jesus tan ingganggan to ya ontonday bagyo tan saray ankakabaleg a daluyon. Tinmonda ran tua, tan dinmeen a maung so dayat.

Isaias 64:12

Katawan, ag natenyeg so pusom lapud saraya? Anggapoy gawaen mo tan panirapen mo kami na mapalalo?

Saray Hebreo 2:17

Kanyan kinaukolan a magmaliw a singa saray agagi to diad amin a pamaakaran. Diad ontan nagmaliw a maabagey tan matoor a Pangulon Pari ra diad panaglingkur tod Dios, pian napaandi ray kasalanan na saray katoowan.

Juan 4:6

Diay kawalaan na bobun nen Jacob. Naknaksawan si Jesus lapud impanakar to, kanyan inmirung ed abay na bobun. Ngalngali lan alas dosi ed kaagewan.

Isaias 63:15

Katawan, manlapud tawen a panaayaman mo ed inkasantom tan kagalangan mo, nengneng mo kami pa. Iner so kawalaay baleg a panangimasakit mod sikami? Iner so kawalaay pakayarim? Kawalaay panangarom tan panangasim? Ag mo kami pa ibebeneg.

Saray Tagleey 3:8

Kinmerew ak na tulong, balet ag ak dinengel na Dios;

Mateo 22:16

Imbaki rad kinen Jesus iray pigaran disipulo ra tan pigara met a totoo nen Herodes. Inkuanda, “Maistro, kabat min tuan amin iray ibabagam, ta ibabangat mo ray totoo no antoy linawa na Dios nipaakar ed sikara. Ag ka manangibiig, lapud nampaparay pangipapasen mod amin a totoo.

Marcos 4:37

Kabebekta, sinmabi so maksil a bagyo. Lapud saray daluyon ya onsisipwak ed baloto, ngalngali la napanoy danum.

Marcos 4:39

Binmangon si Jesus tan ingganggan to may maksil a bagyo, “Tonda ka!” Insan kuantod saray daluyon, “Deen kayo!” Tinmondan tuay bagyo tan dinmeen a maung so dayat.