Marcos 4:15 - Maung A Balita Biblia

¹⁵ Saramay ilik a dinmapod gilig na dalan aliling da ray totoon kadngel dad salitay Dios, laen iran tampol nen Satanas ya ekalen imay salitan nadngel da.

Maung a Balita Biblia

¹⁵ Saramay ilik a dinmapod gilig na dalan aliling da ray totoon kadngel dad salitay Dios, laen iran tampol nen Satanas ya ekalen imay salitan nadngel da.

Marcos 4:15 Referans Kwoze

1 Pedro 5:8

Mamparaan tan manasikaso kayo! Ta say kalaban yon Diablo et singa lion a mangwam tan liber-liber a mananap na buagen to.

Mateo 13:19

Saramay ilik a dinmapod gilig na dalan aliling day salitan nipaakar ed Panarian a derengelen na totoo, balet ag da natatalusan. Laen na samay Maoges ya ekalen imay salitay Dios a dinmapod puso ra.

2 CORINTO 2:11

pian ag itayo taloen nen Satanas; ta amta ti la ray getma to.

Lucas 8:12

Saramay ilik a dinmapod gilig na dalan aliling day totoon onderengel ed salitay Dios, balet lalaen ira na Diablo tan eekalen toy salita ed puso ra, pian ag da sisiaen et ag ira nilaban.

Marcos 4:4

Nen mansisibwag, wala ray ilik a dinmapod gilig na dalan. Sinmabi ray manok ya atap tan tinotoktok da ra.

Saray Gawgawa 5:3

Kanyan inkuanen Pedro, “Ananias, akin et impaoleyan moy pusom ed Satanas a pantilaen to kad Ispiritu Santo? Akin et binawasan moy kuartan inter mo?

Isaias 53:1

Onebat iray totoo, “Siopa kasiy anisia ed ibabalita mi natan? Siopa kasiy akabirbir ed pakapanyari na Katawan ed sayan agawa?

Puyan 20:10

Insan samay Diablo ya amalikdo ed sikara et nibantak ed dayat ya asupri tan apoy a nibantakan met lad samay ayep tan samay tila-tilan propita. Napairap irad man ed agew tan labi ya anggad angga.

Puyan 20:7

Kasumpal na sanliboy taon, nibolus si Satanas ed aprisoan to.

Saray Hebreo 2:1

Kanyan nepeg tayon bembenan na malet iray katwaan a nadngel tayo, pian ag itayo nabalang.

2 TESALONICA 2:9

Onsabi may Maoges ya awit toy pakayari nen Satanas. Manggaway amin a klasiy milagro, tan saray tila-tilan tanda tan pakelaw.

Mateo 22:5

Balet ag ni yan siansia inasikaso na saramay naimbitaan, ta saray kimey da so inarap da. Walay linmad daralusan a dalin to, walay linmad panninigosioan to.

Puyan 12:9

Nibantak imay balbaleg a dragon! Sikato man imay daan ya oleg a manngaray Diablo, o Satanas, ya amalikdo ed sankamundoan. Nibantak ed dalin, a pati saray anghil to.

Mateo 4:10

Inkuanen Jesus, “Ekal ka dia, Satanas! Ta ibabagay Masanton Sulat: ‘Igalang moy Katawan a Dios mo, tan sikato labat so panlingkuran mo!’”

Zacarias 3:1

Diad sananey a pasingayew say Katawan impanengneng tod siak a manalalagey ed arap na anghil na Katawan si Josue a Pangulon Pari. Manalalagey met diman ed abay to si Satanas ya akaparaan lan mangakusa ed kinen Josue.

Genesis 19:14

Linmay Lot ed saramay lalakin mangasawad saray anak to, tan inkuanto, “Ganatan yoy onekal dia; deralen na Katawan yan lugar.” Balet abaloan dan manlulurey si Lot.

Saray Hebreo 12:16

Manalwar kayo, ta ompan mankasalanan kayoy inmoralidad o murmuraen yo ray bengatlan maispiritu, a singa ginawa nen Esau. Insalat tod sakey a panangan so kanepegan na inkapangulowan to.

Saray Gawgawa 17:32

Nen nadngel day Pablo ya angibagay nipaakar ed kiolid bilay, niludlurey na pigarad sikara. Balet inkuay arum, “Labay mi ka lamet a dengelen nipaakar ed saya.”

Marcos 4:14

Say isisibwag to may dumaralus say salitay Dios.

Marcos 4:16

Saray arum a totoo aliling da ra may ilik a dinmapod dalin a batoy dalem to. Kadngel dad salita, awaten dan sililiket.