Marcos 3:6 - Maung A Balita Biblia

⁶ Pinmaway ira may Pariseo tan akitongtong iran tampol ed saray disipulo nen Herodes, tan nampapaknaan da a pateyen si Jesus.

Maung a Balita Biblia

⁶ Pinmaway ira may Pariseo tan akitongtong iran tampol ed saray disipulo nen Herodes, tan nampapaknaan da a pateyen si Jesus.

Marcos 3:6 Referans Kwoze

Marcos 12:13

Wala ray pigaran Pariseo tan pigaran totoo nen Herodes ya imbaki da ran mangerel ed kinen Jesus diad panamegley na pantepet da.

Mateo 22:16

Imbaki rad kinen Jesus iray pigaran disipulo ra tan pigara met a totoo nen Herodes. Inkuanda, “Maistro, kabat min tuan amin iray ibabagam, ta ibabangat mo ray totoo no antoy linawa na Dios nipaakar ed sikara. Ag ka manangibiig, lapud nampaparay pangipapasen mod amin a totoo.

Mateo 12:14

Tinmaynan ira may Pariseo tan implano ra no panoy pamatey dad kinen Jesus.

Marcos 8:15

Binilin nen Jesus iray disipulo to, “Manasikaso kayo! Alwaran yoy libadura na saray Pariseo tan say libadura nen Herodes.”

Juan 11:53

Nanlapud saman ya agew, implano ray pamatey dad kinen Jesus.

Lucas 6:11

Mapalaloy pasnuk da ra may iskriba tan Pariseo. Nantotongtongan da no antoy gawaen dad kinen Jesus.

Lucas 22:2

Saray manonan papari tan saray iskriba et manaanap iray pankanawnawa ran mamatey ed kinen Jesus, ta antakot irad saray totoo.

Saray Gawgawa 4:25

Sikay nansalita diad panamegley nen laki min David ya aripen mo nen inkuanto, diad puyan na Ispiritu Santo, ‘Akin et agaylay pasnuk da ray Hintil, tan nanggagawa na saray andikakanaan a komplut iray totoo?