Marcos 3:5 - Maung A Balita Biblia

⁵ Legan a nenengnengen nen Jesus iray totood kaliber-liber to, akapasnuk; balet nantaruk na ermen so pasnuk to, lapud kinaawet na puso ra. Inkuantod samay laki, “Iyonat moy limam.” Inyonat ton tuay lima to, tan inmabig ed saman a bekta.

Maung a Balita Biblia

⁵ Legan a nenengnengen nen Jesus iray totood kaliber-liber to, akapasnuk; balet nantaruk na ermen so pasnuk to, lapud kinaawet na puso ra. Inkuantod samay laki, Iyonat moy limam. Inyonat ton tuay lima to, tan inmabig ed saman a bekta.

Marcos 3:5 Referans Kwoze

Lucas 6:10

Ninengneng ton amin iray walad kaliber-liber to, tan inkuantod samay laki, “Iyonat moy limam!” Inyonat ton tuay lima to, tan inmabig ed saman a bekta.

TAGA-EFESO 4:18

tan ambilonget so pakatalus da. Anggapoy pinanabang dad bilay ya iiter na Dios, lapud anggapoy amta ra tan anawet so puso ra.

1 Saray Arari 13:6

Inkuanen Ari Jeroboam ed samay propita, “Ipikasi mo ak pa ed Katawan a Dios mo, tan kerew mon paabigen toy taklay ko.” Nampikasid Katawan imay propita, et inmabig so taklay na ari.

Saray Taga Roma 11:25

Agagi, walay sakey a niamut a katwaan a labay kon ipaamtad sikayo, pian ag yo ipasen a makabkabat kayo. Say inkaawet na puso da ray Israelita et mansamput la no inmasingger lad Dios so nagnap a bilang da ray Hintil.

Mateo 12:13

Insan kuanen Jesus ed samay laki, “Iyonat moy limam.” Inyonat toy lima to, et inmabig tan nagmaliw a singa samay sakey a lima to.

Puyan 6:16

Inkuandad kapalandeyan tan saray ankakabaleg a bato, “Pataan yo kami, pian ag kami nanengneng na samay akayorung ed trono, tan niagel kamid pasnuk na Kordiro!

Saray Hebreo 5:9

Nen agawa lan nagnap, nagmaliw ya andi-anggaan a Manangilaban na amin da ray mangoonur ed sikato,

Saray Hebreo 3:17

Siopa ray nampasnukay Dios ed loob na apataploy taon? Aliwa kasin saray totoon nankakasalanan tan abakbaktar ira ya inaatey ed kalawakan?

TAGA-EFESO 4:30

Ag yo papaermenen so Ispiritu Santo na Dios, ta sikatoy tanda na pankayaryay Dios ed sikayo; sakey met a kaletan na pakarondon yo no onsabiy niganan Agew.

TAGA-EFESO 4:26

No mampasnuk kayo, paliisan yoy pakapankasalanan yo, tan ag kayo mamapasnuk a sanagew.

2 CORINTO 3:14

Balet anawet so olo da kanyan nasasakbungan nin siansiay kanunotan da, kapag basaen day daan a sipanan. Naekal yan sakbung no mikasakey ed Cristo so sakey a too.

Juan 9:7

Inkuanen Jesus ed sikato, “Laka, ta mandilamus kad man ed dipositoway danum ed Siloe” (a kabaliksan toy “Nibaki”). Linma may bulag sirin tan nandilamus diman. Nen pinmawil makanengneng la.

Lucas 17:14

Nen anengneng nen Jesus ira inkuanto, “Laka yon mampanengneng ed saray papari.” Leleg dan oonla, inmabig ira.

Lucas 13:15

Inmebat ed sikato so Katawan, “Mansimpisimpitan kayon talaga! Ag yo ta ookbaren a painumen so baka o asno yo no Agew na Panagpainawa?

Saray Salmo 95:10

Diad loob na apataploy taon, akapasnuk ak ed saraman a totoo, Inkuanko, ‘Aliwa ran matoor! Ag da labay ya onuren iray ganggan ko!’

Nehemias 13:8

Mapalaloy petang na olok ed saman tan imbantak kod paway iray amin a kayaryan nen Tobias.

Saray Huis 10:16

Kanyan imbabantak da ray kayaryan dan diriyos na arum a bansa, tan inggalang da lay Katawan; et agunigon so Katawan lapud kakairapan na saray Israelita.

Genesis 6:6

naermenan ed impamalsa tod totoo tan diad impangipasen tod sikara ed tapew na dalin. Diad ontan lan pagbabawi to,

Saray Hebreo 3:10

Kanyan akapasnuk ak ed saraman a totoo tan inkuanko, ‘Lawas ya aliwa ran matoor tan ag da labay ya onuren iray ganggan ko.’

Marcos 3:4

Insan to tinepet ed saray totoon wadman, “Antoy nayarin gawaen no Agew na Panagpainawa, onung ed Ganggan? Say panggaway maung, o say panggaway maoges? Say panambut na bilay, o say pamatey ed sakey a too?” Balet anggapoy eseesel da.

1 Samuel 20:34

Ampetang so olo nen Jonatan, tinmaynan ed lamisaan tan ag angan ed saman ya agew, say kumadwan agew na Pistay Balon Bulan. Nanermenan ton maung si David, ta pinabaingan nen Saul.