Marcos 2:8 - Maung A Balita Biblia

⁸ Amtan tampol nen Jesus so walad kanunotan da, kanyan inkuantod sikara, “Akin et ontay walad kanunotan yo?

Maung a Balita Biblia

⁸ Amtan tampol nen Jesus so walad kanunotan da, kanyan inkuantod sikara, Akin et ontay walad kanunotan yo?

Marcos 2:8 Referans Kwoze

Saray Gawgawa 8:22

Magbabawi ka sirin tan ibeneg mo yan maoges a pilalek mo, tan mampikasi kad Katawan a pirdonaen to ka.

Saray Gawgawa 5:3

Kanyan inkuanen Pedro, “Ananias, akin et impaoleyan moy pusom ed Satanas a pantilaen to kad Ispiritu Santo? Akin et binawasan moy kuartan inter mo?

Juan 6:64

Balet wala rad sikayoy ag manisia.” (Ta gendat lan kabat nen Jesus no siopa ray ag manisiad sikato, tan no siopay mantraidor ed sikato.)

Lucas 24:38

Balet inkuantod sikara, “Akin et napapagaan kayo? Akin et manduaruwa kayo ni?

Lucas 6:8

Balet amta nen Jesus so walad kanunotan da, kanyan inkuantod samay lakin aparalisis so lima to, “Gala tan alagey ka diad arap.” Dinmago may laki tan nanalagey diman.

Lucas 5:22

Amta nen Jesus so walad kanunotan da, kanyan inkuantod sikara, “Akin et ontay walad kanunotan yo?

Mateo 9:4

Amta nen Jesus so walad kanunotan da kanyan inkuanto, “Akin et maoges so walad kanunotan yo?

Ezekiel 38:10

Sikato yay kuan na Katawan a Dios ed kinen Gog: “No onsabiy tan a panaon igapom so mannunot na sakey a maoges a plano.

Saray Salmo 139:2

Antam ya amin iray gagawaen ko; anggan arawiy kawalaan mo, natatalusan mo ray kanunotan ko.

Saray Hebreo 4:13

Anggapoy niamut ed Dios. Diad pakanengneng to, lokas tan malinew ya amin iray pinalsa, tan sikato so pangebatan tayod kabibilay tayo.

Juan 21:17

Pinitlo nen Jesus a tinepet, “Simon ya anak nen Juan, inaro mo ak?” Naermenay Pedro ta pinitlo nen Jesus a tinepet, “Inaro mo ak?” Kanyan kuantod kinen Jesus, “Katawan, amtam iray amin a bengatla; amtam ya inaro ta ka!” Inkuanen Jesus ed sikato, “Asikasom iray karnirok.

Marcos 7:21

Ta manlapud otel na pusoy too iray maoges a kanunotan, pilalawanan, panagtakew, panagpatey,

Isaias 55:7

Saray makasalanan a totoo et ibeneg da komun so kabibilay da tan omanen day panagnunot da. Ompawil ira komun ed Katawan a Dios tayo, ta mapangasi tan sipaparaan a mamirdona.

Probirbio 24:9

Kasalanan so antokaman ya iplaplano na makulang-kulang. Kabosul na saray totoo so toon managbalaw na kapara ton too.

Probirbio 15:26

Kabosul na Katawan iray maoges a kanunotan, balet pakaliliketan to ray salitan makaruyruyo.

1 Saray Awaran 29:17

Amtak a susuboken moy puso na balang too tan maliket kad kaptekan. Diad katooran tan diad kaptekan mabolbolos kon inter ira yan amin ed sika. Anengneng ko a sarayan totoom a nantitipon dia natan et maliket tan mabolus so linawa ran angiter ed sika.

Puyan 2:23

Pateyen ko met iray anak to, pian naamtaan na saray iglisia a siak so makaamta ed puso tan kanunotan da ray katoowan. Mangiter ak ed balang sakey ed sikayo, onung ed saray gawgawa to.

Mateo 12:15

Nen akabatan nen Jesus yan plano ra, tinmaynan diman. Amayamay iray totoon akilad sikato. Pinaabig to ray amin a mansasakit,

Mateo 16:7

Nantotongtongan ya na saray disipulo. Inkuanda, “Imbaga to ya, ta ag itayo nambalon na tinapay.”

Marcos 2:7

“Akin et ontan so panagsalita to yan too? Sumpad Dios tay ibabaga to! Siopay makapirdona na kasalanan no ag say Dios labat?”

Marcos 2:9

Dinay lalon mainomay ya ibagad sayan paralitiko: say pangibagay, ‘Apirdona ray kasalanan mo,’ o say pangibagay ‘Alagey ka, alam so dokulan mo tan manakar ka’?