Marcos 2:24 - Maung A Balita Biblia

²⁴ Kanyan saray Pariseo inkuandad kinen Jesus, “Nengneng moy gagawaen da ra tay disipulom. Sebel itan no Agew na Panagpainawa!”

Maung a Balita Biblia

²⁴ Kanyan saray Pariseo inkuandad kinen Jesus, Nengneng moy gagawaen da ra tay disipulom. Sebel itan no Agew na Panagpainawa!

Marcos 2:24 Referans Kwoze

Exodo 20:10

balet say kumapiton agew et agew na panagpainawa a nisaklang ed siak. Diad sayan agew nepeg ya anggapoy toon mankimey: sika, saray anak mo, saray aripen mo, saray ayayep mo, odino saray sangkailin manaayam ed bansam.

Saray Hebreo 12:3

Nunot yo no panoy impanirap nen Jesus ed ontan lan impanbosul ed sikato na saray makasalanan, pian ag kayo onkapoy tan naekalay biskeg na linawa.

Mateo 12:2

Nen anengneng na saray Pariseo a gagawaen da ya, inkuandad kinen Jesus, “Nengneng moy gagawaen da ra tay disipulom. Sebel itan no Agew na Panagpainawa!”

Marcos 2:16

Anengneng ya na pigaran iskriba a kabyangan na saray Pariseo, kanyan tinepet dad saray disipulo nen Jesus, “Akin et mirorongod saray sumisingil na buis tan saray makasalanan?”

Marcos 2:7

“Akin et ontan so panagsalita to yan too? Sumpad Dios tay ibabaga to! Siopay makapirdona na kasalanan no ag say Dios labat?”

Isaias 58:13

Say Katawan kuanto, “No ipasen yon masanto so Agew na Panagpainawa tan ag yo anapen so pankaabigan yon dili ed satan ya agew; no pablien yo so masanton agew ko tan pagalangan yo diad ag yo pambiahi, pankimey, odino pansalita na andi-kabaliksan diad satan ya agew,

Isaias 56:6

Say Katawan kuantod saray sangkailin nagmaliw a kabyangan na saray totoo na Katawan, a mangaaro tan manlilingkur irad sikato, ngingilinan day Agew na Panagpainawa, tan matoor dan susumpalen so impisipanan to:

Isaias 56:4

Say Katawan kuantod satan a too, “No ngilinan moy Agew na Panagpainawa tan gawaen moy makapaliket ed siak tan matoor mon sumpalen so impisipanan ko,

Isaias 56:2

Bindisionan ko ray totoon ngingilinan da lawas so Agew na Panagpainawa tan ag da susumlangen so ganggan nipaakar ed sayan agew. Bindisionan ko ray ag manggagawa na antokaman a kaogsan.”

Exodo 31:15

Anem agew a makapankimey kayo, balet say kumapiton agew et masanton agew a nisaklang ed siak. Siopamay toon manggaway kimey ed sayan agew, nepeg a pateyen.

Marcos 2:25

Inmebat si Jesus, “Ag yo ta nin balut abasa so ginawa nen David nen si Abiatar so Pangulon Pari? Nen si David tan saray kakaiba to et narasan ira tan anggapoy naakan da, linmoob irad abung na Dios tan kinan day tinapay ya imbagat ed Dios. Onung ed Ganggan, say pari labat so nayarin mangan na sayan tinapay, balet kinan nen David tan initdan to ni ra may kakaiba to.”