Marcos 2:16 - Maung A Balita Biblia

¹⁶ Anengneng ya na pigaran iskriba a kabyangan na saray Pariseo, kanyan tinepet dad saray disipulo nen Jesus, “Akin et mirorongod saray sumisingil na buis tan saray makasalanan?”

Maung a Balita Biblia

¹⁶ Anengneng ya na pigaran iskriba a kabyangan na saray Pariseo, kanyan tinepet dad saray disipulo nen Jesus, Akin et mirorongod saray sumisingil na buis tan saray makasalanan?

Marcos 2:16 Referans Kwoze

Lucas 19:10

Ta say Anak na Too linma dian mananap tan mangilaban ed abalang.”

Lucas 18:11

Samay Pariseo binmiig tan nanalagey a mampikasi, ‘Misalamat ak ed sika, O Dios, ta aliwa ak a singa saray arum a totoon maagum, masaol, tan mikakaloguran. Misalamat ak, ta aliwa ak a singa saman a sumisingil na buis.

1 CORINTO 2:15

Say toon walad sikatoy Ispiritu natalusan to so kabaliksan na amin a bengatla, balet anggapoy toon makatalus ed sikato.

Saray Gawgawa 23:9

Kinmasil so ingalan da. Inmalagey iray pigaran iskriba a kakaiba ray Pariseo tan inkuandan sinmumlang, “Anggapoy naalmo min kasalanan to yan too! Ompan walan tuay sakey ya ispiritu o anghil ya akitongtong ed sikato!”

Lucas 19:7

Amin ya akaimatun ed saya ngoro-ngoro ra tan inkuanda, “Pasasangkaili ed sakey a toon makasalanan!”

Isaias 65:5

Insan da kukuan ed saray arum a totoo, ‘Arawi kayod sikami, ag yo kami nayarin diwiten lapud masansanto kami!’ Ag ko naanosan ira yan totoo—singa apoy ya ag naerep so pasnuk kod sikara.

Saray Hebreo 12:3

Nunot yo no panoy impanirap nen Jesus ed ontan lan impanbosul ed sikato na saray makasalanan, pian ag kayo onkapoy tan naekalay biskeg na linawa.

Marcos 2:7

“Akin et ontan so panagsalita to yan too? Sumpad Dios tay ibabaga to! Siopay makapirdona na kasalanan no ag say Dios labat?”

Mateo 18:17

No ag to ni ra dengelen, idalem mo lad iglisia. No ag to ni dengeley pati iglisia, ipasen mon sakey a Hintil o sakey a sumisingil na buis.”

Mateo 9:11

Anengneng ya na pigaran Pariseo, kanyan tinepet dad saray disipulo nen Jesus, “Akin et mirorongoy maistro yo ed saray sumisingil na buis tan saray makasalanan?”

Mateo 5:46

No saray mangarod sikayo labat so aroen yo, anto ni tumang ya alagaren yo? Gagawaen ya met na anggan saray sumisingil na buis.

Marcos 2:15

Dakerakel met iray akilan sumisingil na buis tan saray makasalanan. Amayamay ed sikaray akirongo ed kinen Jesus tan saray disipulo to nen mangakan irad abung nen Levi.

Lucas 5:30

Ngoro-ngoro ray Pariseo tan saray iskriban kabyangan da. Tinepet dad saray disipulo nen Jesus, “Akin et mangakan tan oniinom kayo a kaiba yo ray sumisingil na buis tan saray makasalanan?”