Marcos 16:10 - Maung A Balita Biblia

¹⁰ Linmay Maria Magdalena tan imbaga tod saray maneermen tan mannanangis a kakaiba nen Jesus. Kasumpal to ya, inkayat nen Jesus a dili ed amin a sokung na mundo, diad panamegley da ray disipulo to, so masanto tan mabilay lawas a balita na andi-anggaan a kilalaban.]

Maung a Balita Biblia

¹⁰ Linmay Maria Magdalena tan imbaga tod saray maneermen tan mannanangis a kakaiba nen Jesus. Kasumpal to ya, inkayat nen Jesus a dili ed amin a sokung na mundo, diad panamegley da ray disipulo to, so masanto tan mabilay lawas a balita na andi-anggaan a kilalaban.]

Marcos 16:10 Referans Kwoze

Juan 20:18

Kanyan linmay Maria Magdalena ed saray disipulo tan imbaga ton anengneng toy Jesus. Imbaga to met imay papaibaga nen Jesus.

Juan 16:6

Natan ta imbagak ira yad sikayo, mapalaloy ermen na puso yo.

Lucas 24:17

Tinepet nen Jesus ed sikara, “Anto ray pantotongtongan yo, legan yon manaakar?” Tinmonda ra a maermen.

Marcos 14:72

Diad saman a bekta, kinmukaok lamet so lalung. Insan anunotan nen Pedro may sinalita nen Jesus ed sikato, “Kasakbayan a pidwan ikukaok na lalung, ibori mo ak a mamitlo!” Inmakis na ampaipait si Pedro.

Mateo 9:15

Inmebat si Jesus, “Manermen sirin iray mibabansal? Andi! Ambegyan wadman ni so nubio, ag ira manermen. Balet onsabi so agew ya ontaynan lay nubio; sikato lad satay panayuno ra.

Mateo 24:30

Insan onletaw ed tawen so tanday Anak na Too. Onakis ya amin iray totood intiron mundo, tan nanengneng day Anak na Too a walad lorem tan onsasabin walay baleg a pakayari tan kagalangan.

Mateo 19:22

Kadngel tod saya, maermen ya inmalis lapud agaylay inkayaman to.