Marcos 15:40 - Maung A Balita Biblia

⁴⁰ Wala ray pigaran bibii a walad bandad arawi ya onnenengneng ed nagagawa. Wadman met ira di Salome, Maria Magdalena, tan sakey nin Maria ya ina nen Jose tan si Santiago a yogtan to.

Maung a Balita Biblia

⁴⁰ Wala ray pigaran bibii a walad bandad arawi ya onnennengneng ed nagagawa. Wadman met ira di Salome, Maria Magdalena, tan sakey nin Maria ya ina nen Jose tan si Santiago a yogtan to.

Marcos 15:40 Referans Kwoze

Lucas 23:49

Manalalagey ed bandad arawi ray amin a kakaaro nen Jesus, pati saramay bibiin tinmombuk ed sikaton nanlapu lad Galilea, tan naimatunan da ra yan agawa.

Marcos 16:9

Nen inmolid bilay si Jesus ed kabkabwasay Simba, si Maria Magdalena ya amapawayan toy pitoran dimonyo so onaan a nampanengnengan to. Linma ra may bibii ed kinen Pedro tan saray kakaaro to. Diad antikey a panangibaga, imbalita ray amin a nibagad sikara.

Mateo 28:1

Kasumpal na Agew na Panagpainawa, nen manlimatad agew na Simba, si Maria Magdalena tan samay sakey a Maria linma rad lobuk, ta nengnengen da.

Mateo 27:61

Wadman a manyodyorung ed arap na lobuk si Maria Magdalena tan samay sakey a Maria.

Mateo 13:55

Aliwa tan sikato ya may anak na karpintiro? Aliwa tan manngaray Maria so ina to, tan di Santiago, Jose, Simon, tan Judas iray agagi to?

1 CORINTO 9:5

Anggapo tay kanepegan min mangawit na asawan Cristiano, a singa gagawaen nen Pedro, saray arum ya apostol, tan saray agagi na Katawan?

Marcos 15:47

Ombabantay si Maria Magdalena tan si Maria ya ina nen Jose, kanyan anengneng day angipomponan ed kinen Jesus.

Saray Salmo 38:11

Ag ak la singgeran na saray kakaarok tan saray kakaabay ko, lapud saray girik; aarawian ak na anggan saray kabyangay pamilyak.

Santiago 1:1

Sayan sulat nanlapud kinen Santiago, aripen na Dios tan say Katawan a Jesu-Cristo: Ibabano ta kayon amin a totooy Dios, amin yon akaykayat ed intiron mundo.

TAGA GALACIA 1:19

Anggapo lay arum ya anengneng kon apostol likud ed kinen Santiago ya agi na Katawan.

Mateo 10:3

si Felipe tan si Bartolome; si Tomas, tan si Mateo a sumisingil na buis; si Santiago ya anak nen Alfeo, tan si Tadeo; si Simon a Patriota, tan

Marcos 16:1

Asumpal lay Agew na Panagpainawa. Si Maria Magdalena, si Maria ya ina nen Santiago, tan si Salome, analiw iray pabalingit ya ipoyuk dad bangkay nen Jesus.

Lucas 19:3

Labay ton naamtaan no siopay Jesus, balet lapud melmelag a too ag to nanengneng, ta amayamay so totoo.