Marcos 15:14 - Maung A Balita Biblia

¹⁴ “Akin, antoy ginawa ton maoges?” tinepet nen Pilato. Lalon inkasikasil dan ineyag, “Ipasak mod krus!”

Maung a Balita Biblia

¹⁴ Akin, antoy ginawa ton maoges? tinepet nen Pilato. Lalon inkasikasil dan ineyag, Ipasak mod krus!

Marcos 15:14 Referans Kwoze

Lucas 23:41

Nepeg tan dua so nadusay onya lapud ginawa ta, balet sikato anggapoy kasalanan a ginawa to.”

1 Pedro 1:19

no ag ingen say mablin dala nen Cristo, a singa kordiron anggapoy deral o dotak to.

Saray Hebreo 7:26

Si Jesus sirin, so Pangulon Pari a mangiiter na saray nakaukolan tayo! Ta sikatoy masanto; anggapoy tilul o kasalanan to; nibiig ed saray makasalanan tan nitanduro ya anggad labas da ray katawenan.

Saray Gawgawa 19:34

Balet nen abirbir dan sakey manayan Judio si Alejandro, nambabansag iran naneeyag-eyag ed loob na duay oras, “Matalonggaring si Artemis da ray taga Efeso!”

Juan 19:6

Kanengneng na saray manonan papari tan saray guardia, ineeyag da, “Ipasak mod krus! Ipasak mod krus!” Inkuanen Pilato ed sikara, “Ala yo sirin tan sikayo lay makaoley a mangipasak ed sikato, ta anggapoy arumog kon kasalanan to.”

Juan 18:38

“Antoy katwaan a?” tinepet nen Pilato. Kapangibaga nen Pilato ed saya, pinmaway tan kuantod saray Judio, “Anggapoy narumog kon kasalanan to.

Lucas 23:47

Nen naimatunan yan agawa na kapitan da ray sondalo, indayew toy Dios. Inkuanto, “Tua a matonung yan too!”

Lucas 23:21

Balet lalon inmeyag ira, “Ipasak mod krus! Ipasak mod krus!”

Lucas 23:4

Inkuanen Pilatod satan ed saray manonan papari tan saray totoo, “Anggapoy naalmok a kasalanan to yan too.”

Mateo 27:54

Ataktakot a maung imay kapitan tan saramay sondalon kaiba to a mambabantay ed kinen Jesus nen naimatunan da may yegyeg tan amin ya agawa. Inkuanda, “Tuan sikatoy Anak na Dios!”

Mateo 27:19

Aliwan satan labat. Nen wadman ya akayorung si Pilato ed panagsintinsiaan, impaibaga na asawa to, “Ag ka mibabalid satan a toon anggapoy kasalanan, ta diad kugip ko kalabyan nairapan ak a maung lapud sikato.”

Mateo 27:4

“Nankasalanan ak, ta inyawat kon papatey so toon anggapoy kasalanan!” inkuanto. “Antoy pibabalian mi? Sikay akaoley ed satan!” inebat da.

Isaias 53:9

Nisorub ed lobuk a kaiba to ray totoon maoges; nipompon a kaiba to ray totoon mayaman, anggaman ya ag balut nanggaway kaogsan odino nantila.”

Isaias 53:3

Binabalaw tan impopolisay na totoo; intepel toy kairapan tan sulit. Anggapoy anggan onnengneng ed sikato— ag inasasikaso na totoo a singa anggapoy kabaliksan ton too.

Saray Salmo 69:4

Saray mamobosul ed siak ya anggapoy makasengeg et amayamay ira nen saray buek na olok. Saray kabosul ko et mantitila ra sumpad siak; mabiskeg ira tan labay da ak a pateyen. Pinasoot dan ipawil ko ray bengatlan ag ko tinakew.

Marcos 15:13

Ineyag dad sikato, “Ipasak mod krus!”

Marcos 15:15

Labay nen Pilato a paliketen iray totoo, kanyan imbolus tod sikara si Barabbas. Impapasiplatan toy Jesus, tan inyawat ton ipasak ed krus.

Saray Gawgawa 13:28

Anggaman ya anggapoy naalmo ran katonungan a panintinsiay patey ed kinen Jesus, kinerew dad kinen Pilato a papatey to.