Marcos 14:55 - Maung A Balita Biblia

⁵⁵ Ginawa na saray manonan papari tan amin a kabyangay Sanidrin so anggaay nayarian da a mananap na ipakasalanan dad kinen Jesus, pian napapatey da. Balet anggapoy narumog da.

Maung a Balita Biblia

⁵⁵ Ginawa na saray manonan papari tan amin a kabyangay Sanidrin so anggaay nayarian da a mananap na ipakasalanan dad kinen Jesus, pian napapatey da. Balet anggapoy narumog da.

Marcos 14:55 Referans Kwoze

Mateo 5:22

Balet ibagak ed sikayo natan: siopamay mampasnuk ed agi to, nayarin walay ebatan tod huis. Siopamay mamabaing ed agi to, nayarin walay ebatan tod Sanidrin. Siopamay mangikuan ed agi to, ‘Ambagel ka!’ nayarin onlad apoy na impirno.

Daniel 6:4

Lapud saya saramay duaran mangaasikaso ed saray opisyal tan saramay gobirnador et nananap iray kasalanan nen Daniel a nipaakar ed panangikurang tod impirio pian nidalem da, balet anggapoy narumog da, lapud matoor si Daniel ed kimey to tan ag to manggagaway antokaman a makapoy odino kasaolan.

Saray Salmo 35:11

Saray totoon maoges mantatasi ra sumpad siak, tan iyaakusa rad siak iray kasalanan ya ag kon balut ginawa.

Saray Salmo 27:12

Ag mo pa iyaabuloy a napelag ak ed lima da ray kalaban ko, a manusumlang ed siak diad panamegley na panagtila tan panagtaktakot.

1 Saray Arari 21:13

Diad arap na saray totoo, inakusa na saramay duaran lalaki si Nabot ya aayewen toy Dios tan say ari. Kanyan impaway dad siudad si Nabot, tan tinupak da ya anggad inatey.

1 Saray Arari 21:10

Mangala kayoy duaran luko-lukon lalaki, paalagey yo rad arap nen Nabot, insan akusaen dan aayewen toy Dios tan say ari. Ipaway yod satan ed siudad, insan yo tupaken ya anggad ompatey.”

Marcos 14:56

Dakel iray tasin nantila sumpad kinen Jesus, balet ag nantutukoyay salita ra.

Juan 18:19

Tinepetan na Pangulon Pari si Jesus, na nipaakar ed saray disipulo to tan saray ibabangat to.

Juan 18:21

Akin sirin et tetepetan mo ak? Say tepetan mo saray totoon akadngel ed siak. Tepet mod sikaray imbabagak ta amta ra.”