Marcos 14:5 - Maung A Balita Biblia

⁵ Inlako la komun na masoluk a talon lasus a dinario, insan inter ed saray mairap-bilay so nanlakoan!” Ontan lay impambalaw dad samay bii.

Maung a Balita Biblia

⁵ Inlako la komun na masoluk a talon lasus a dinario, insan inter ed saray mairap-bilay so nanlakoan! Ontan lay impambalaw dad samay bii.

Marcos 14:5 Referans Kwoze

Juan 13:29

Lapud si Judas so mambebembey kuarta, abaloan na saray arum a disipulo a pansaliwen nen Jesus na saray onkana no pista, odino ibabaki ton mangiter ed saray mairap-bilay.)

Judas 1:16

Mariklamo ra yan totoo tan managtetel irad saray arum; oonuren day maoges a pilalek na laman, mapaatagey irad panagsalita, tan papalingoen da ray arum, pian naala ray labay da.

FILIPOS 2:14

Gawa yo ray amin a kimey ya anggapoy ngorongoro tan sangsangan,

TAGA-EFESO 4:28

Say toon matakew nakaukolan ya ag la mantakew, no ag ta mankimey la na anggan anton aliwan mabanday a kimey, pian makatulong ed saray mairap-bilay.

1 CORINTO 10:10

Ag itayo nepeg a manriklamo, a singa ginagaway arum ed sikara, kanyan pinapatey iray Anghil na Patey.

Juan 6:43

Inmebat si Jesus sirin ed sikara, “Ag kayo ngoro-ngoro.

Juan 6:7

Inmebat si Felipe, “Anggan mambiliy duan lasus a dinarion tinapay so saliwen, siansian ag ni naapisay eges dan amin.”

Lucas 15:2

Balet ngoro-ngoro ray Pariseo tan saray iskriba tan inkuanda, “Sayan too aawaten to ray makasalanan tan mimikan nid sikara!”

Mateo 20:11

Kapangawat da, nanriklamo rad samay ankankiey kaubasan.

Mateo 18:28

“Nen ompaway la may aripen, nabet toy kapara ton aripen ya akautang ed sikatoy pigan lasus a pisos. Siningkat to, insan to titikelen. ‘Bayaran mo lay utang mod siak!’ inkuanto.

Saray Salmo 106:25

Ngorongoro rad dalem na saray tulda ra, tan ag ira dinmengel ed Katawan.

Deuteronomio 1:27

Nanngoro-ngoro kayo tan inkuanyod sakey tan sakey, ‘Kabosul itayo na Katawan. Impaway to itayod Egipto ta ipalima to itayod saray Amorreo, et diad ontan napatey da itayo.

Marcos 14:4

Asanukan iray arum a totoon wadman tan inkuandad sakey tan sakey, “Akin et dinarak yan pabalingit?

Marcos 14:6

Balet inkuanen Jesus, “Paolyan yon bukor! Akin et balbalawen yo? Maabig tan marakep yan ginawa tod siak.

Mateo 26:9

Inlako la komuy mabli, insan inter ed saray mairap-bilay so nanlakoan!”