Marcos 14:20 - Maung A Balita Biblia

²⁰ Inmebat si Jesus, “Sakey ed sikayon labindua, say kabansag kon mangisawsaw na tinapay ed aralem a plato.

Maung a Balita Biblia

²⁰ Inmebat si Jesus, Sakey ed sikayon labindua, say kabansag kon mangisawsaw na tinapay ed aralem a plato.

Marcos 14:20 Referans Kwoze

Juan 13:26

Inmebat si Jesus, “No siopay pangitdan koy tinapay ya isawsaw ko, sikato.” Angalay tinapay sirin, insawsaw to, insan to inter ed kinen Judas ya anak nen Simon Iscariote.

Juan 6:71

Si Judas ya anak nen Simon Iscariote so labay ton ibaga. Ta si Judas a sakey ed saray Labindua so mantraidor ed kinen Jesus.

Lucas 22:47

Mansasalita niy Jesus nen sinmabi ray dakerakel a totoo. Si Judas a sakey ed saray labinduan disipulo so angipangulod sikara. Sinmingger ed kinen Jesus, ta anguban to.

Marcos 14:43

Mansasalita niy Jesus nen sinmabi si Judas a, sakey ed saray labinduan disipulo. Kaiba to ray totoon sankaawit da ray ispada tan saray pekpek. Sarayan totoo imbaki na saray manonan papari, saray iskriba, tan saray mamatakken na baley.

Mateo 26:47

Mansasalita niy Jesus nen sinmabi si Judas a sakey ed saray labinduan disipulo. Kaiba to ray amayamay a totoon sankaawit da ray ispada tan pekpek. Sarayan totoo imbaki na saray manonan papari tan saray mamatakken na baley.

Mateo 26:23

Inmebat si Jesus, “Say kabansag kon mangisasawsaw na lima tod aralem a plato, sikatoy mantraidor ed siak.

Probirbio 19:24

Wala ray totoo a diad gaway ngiras da, ag da nisubo so kanen da.

Marcos 14:19

Agoloy kalakal da ra may disipulo kanyan nansosoblay iran nantepet, “Siak kasi, Katawan?”

Marcos 14:21

Ompatey so Anak na Too, onung na ibabagay Masanton Sulat, balet kaskasian so toon mantraidor ed Anak na Too! Magmaung ni komun ya ag la nianak!”