Marcos 14:1 - Maung A Balita Biblia

¹ Duay agew labat la natan kasakbayan na Pista na Paskua tan pista na Tinapay ya Anggapoy Libadura. Saray manonan papari tan saray iskriba manaanap iray pankanawnawan mangerel a maamut ed kinen Jesus, insan da pateyen.

Maung a Balita Biblia

¹ Duay agew labat la natan kasakbayan na Pista na Paskua tan pista na Tinapay ya Anggapoy Libadura. Saray manonan papari tan saray iskriba manaanap iray pankanawnawan mangerel a maamut ed kinen Jesus, insan da pateyen.

Marcos 14:1 Referans Kwoze

Juan 13:1

Bispiras la na Paskua. Amta nen Jesus a sinmabi lay oras na itaynan tod sayan mundo tan ipawil tod Ama. Inaro to ray totoo ton wadyad mundo, tan inaro to ra ya anggad kasamputan.

Juan 11:47

Kanyan akitongtongan na saray manonan papari tan saray Pariseo ray kabyangay Sanidrin. “Antoy gawaen tayo?” kuanda. “Dakel so milagron gagawaen to man a too.

Mateo 12:14

Tinmaynan ira may Pariseo tan implano ra no panoy pamatey dad kinen Jesus.

Mateo 6:2

“Kanyan no mangiter kay payabol, ag ka mamapaknul na trumpita a pangipakabat mo, a singa gagawaen da ray totoon mansimpisimpitan diad saray sinagoga tan daladalan. Gagawaen da ya pian idayew iray totoo. Tandaan yo ya! Naawat da lay tumang da.

Saray Salmo 62:9

Singa labat ingas iray totoo; anggapoy kana da ray totoon walad abeba odino atagey a kipapasen. Pantitipon mo ran simbangen et anggapoy belat da; anlemew ni ra nen say ingas.

Saray Salmo 62:4

Labay yo labat ya iyabeban manlapud matalonggaring a kipapasen to; panliliketan yo ray tila. Mansasalita kayoy panamindision, balet isasamba yo ed dalem na kapusoan yo.

Saray Salmo 52:3

Inarom so kaogsan nen say kamaungan, say tila nen say katwaan.

Genesis 37:18

Anengneng da nen arawi ni tan kasakbayan to ran naasinggeran, nantotongtongan dan pateyen.

Exodo 12:1

Say Katawan akisalitad Moises tan Aaron diad Egipto. Inkuanto,

Marcos 14:2

Balet inkuanda, “Ag tayo pateyen legan na pista, ta ag la pigan manggolo ray totoo.”

Marcos 14:12

Diad ononan agew na Pistay Tinapay ya Anggapoy Libadura, a sikato met so panagpatey na saray kilaw a karniro ya onkanad Paskua, tinepet da ray disipulo ed kinen Jesus, “Iner so labay mon pangiparaanan miy panganan moy Paskua?”

Saray Gawgawa 12:4

Kapangerel dad kinen Pedro, impriso da tan impabantayan dad apatiran grupoy sondalo a saneepat. Walad kanunotan nen Herodes ya iparontal toy Pedro ed saray totoo diad kayariy pista.

Levitico 2:6

Pingpinglisen insan patoroan na larak no iyapay a sakey a bagat.