Marcos 13:24 - Maung A Balita Biblia

²⁴ “Kasumpal na satan a kairapan, ombilonget so agew tan ag la onsinag so bulan.

Maung a Balita Biblia

²⁴ Kasumpal na satan a kairapan, ombilonget so agew tan ag la onsinag so bulan.

Marcos 13:24 Referans Kwoze

Isaias 13:10

Ontondan onsinag iray bitewen tan amin da ray onsisinag a walad liwang, ambilonget so agew no ompaway, tan ag onsinag so bulan.

2 Pedro 3:10

Balet onsabin singa sakey a matakew so Agew na Katawan. Diad satan ya Agew, naandipat iray katawenan a katekep na makmaknul ya ungol. Napoolan tan natonaw iray bitewen, say agew, tan say bulan; naandipat so mundo, pati amin a logan to.

Amos 5:20

Bilonget, aliwan liwawa, so iter na agew na Katawan; agew ya ambilbilonget, anggapon balut so liwawa.

Joel 3:15

Ombibilonget so agew tan say bulan, tan ag la onsisinag iray bitewen.

Puyan 20:11

Kasumpal to ya, anengneng koy baleg a tronon ampoti tan say akayorung diman. Naandipat so tawen tan dalin ed arap to, tan ag la ran balut anengneng.

2 Pedro 3:12

legan yon aalagdey Agew na Dios. Gawa yoy anggaay nayarian yo a mamaganod isabi na satan ya Agew, say Agew a kapoolan tan kaderal na saray katawenan tan, lapud petang, katonaw na saray bitewen, say agew, tan say bulan.

Joel 2:10

Diad idadalan da nayeyegyeg so dalin; nayayakayak so tawen. Ombibilonget so agew tan say bulan, tan ag la onsisinag ira bitewen.

Daniel 12:1

Samay anghil a linen so kawes to inkuanto, “Diad satan a panaon ompanengneng imay matalonggaring ya anghil Miguel a mangguaguardiad saray totoom. Insan la ondalan so panaon na ontan lan kairapan ya ag nin balut dinmalan nanlapu lad inletneg da ray bansa. No onsabiy tan a panaon, nilaban ya amin iray totoo na bansa a nisulat so kangaranan dad libro na Dios.

Daniel 7:10

tan panlalapwan na managagos ya apoy. Libo-libon totooy wadman a manlilingkur ed sikato, tan manalalagey ed arap to iray milyon a totoo. Ginmapo la so bista, tan alokasan iray libro.

Ezekiel 32:7

No deralen ta ka, kobutan koy tawen tan pabilongeten ko ray bitewen. Onamut ed kaloreman so agew tan ag onsinag so bulan.

Jeremias 4:28

Manermen so dalin; ombilonget so tawen. Say Katawan so nansalita tan ag mansalat na kanunotan to. Nanggetma la so Katawan tan ag to la ya babawien.

Marcos 13:23

Manasikaso kayo! Imbagak lad sikayo ra yan amin kasakbayan iran nagawa.”