Marcos 12:9 - Maung A Balita Biblia

⁹ “Anto natay gawaen na akankiey kaubasan?” tinepet nen Jesus. “Onlan papatey to ra man a totoo, insan to ipaasikasoy kaubasan ed saray arum.

Maung a Balita Biblia

⁹ Anto natay gawaen na akankiey kaubasan? tinepet nen Jesus. Onlan papatey to ra man a totoo, insan to ipaasikasoy kaubasan ed saray arum.

Marcos 12:9 Referans Kwoze

Saray Taga Roma 10:20

Lalon makpel si Isaias ta inkuanto, “Arumog da ak iray ag manaanap ed siak. Pinmanengneng ak ed saray ag manetepet no iner so kawalaan ko.”

Lucas 19:27

Tan nipaakar ed saramay kalaban ko ya ag da ak labay a manarid sikara: iyakar yo ra dia tan patey yo rad arap ko!’”

Mateo 21:43

“Kanyan kuankod sikayo: naekal ed sikayoy Panariay Dios tan niiter ed saray totoon mamapaway na manepeg iran bunga.”

Mateo 22:7

Mapalaloy pasnuk to may ari. Imbaki to ray sondalo to tan pinatey da met iray amatey ed saramay aripen, insan da pinoolay siudad da.

Mateo 12:45

Onlad satan a mangawit na pitoran ispiritu a lalon maoges nen say sikato, tan kaiba to ran manayam diman. Lalon maoges so kipapasen to yan too nen say gendat. Onya met so pagmaliwan da ray maoges a totoo ed sayan panaon.”

Malakias 1:11

Igagalang ak na amin a totoo ed amin a sukong na mundo. Inerman a pasen saray totoo mamopool ira na insinso a para siak tan mangisasaklang ira na makapaliket a bagat. Igagalang da ak ya amin!

Jeremias 17:3

tan diad toktok na saray palandey ed maawang a dalin. Pasamsam kod saray kalaban yo iray kayamanan tan saray mabmablin kayaryan yo lapud amin a kasalanan a ginagawa yo ed intiron mundo.

Isaias 65:15

Ikana na saray pinilik a totoo so ngaran yo a sakey a samba. Siak a Katawan a Dios pateyen ta tayo. Balet itdan ko na balon ngaran iray mangoonur ed siak.

Isaias 29:17

Onung na ibabaga ra, ag mabayag magmaliw a daralusan so makdel a takel, tan magmaliw a takel so daralusan.

Josue 23:15

Balet no panoy impanumpal tod amin ya insipan tod sikayo, ontan met so gawaen tod amin ya impasakbay tod sikayo.

Mateo 21:34

Nen asabiy panaon a panagborbor na ubas, imbaki ton miapag ed saray kasamak iray aripen to.

Marcos 12:8

Kanyan siningkat da may anak, pinatey da, insan da imbantak ed paway na kaubasan.

Marcos 12:10

Ag yo ta ni abasa ed Masanton Sulat? ‘Say baton impasen ya andi-kakanaan na saray karpintiro nagmaliw lamlamang a sankakanaan a bato.