Marcos 12:29 - Maung A Balita Biblia

²⁹ Inmebat si Jesus, “Saya so sankamanona: ‘Dengel mo, Israel! Say Katawan a Dios tayo et bukbukor to so Katawan.

Maung a Balita Biblia

²⁹ Inmebat si Jesus, Saya so sankamanona: Dengel mo, Israel! Say Katawan a Dios tayo et bukbukor to so Katawan.

Marcos 12:29 Referans Kwoze

Deuteronomio 6:4

“Sikayo ran Israelita, tandaan yo ya! Bukor na Katawan a Dios tayo so Katawan.

Lucas 10:27

Inkuanto may too, “‘Arom so Katawan a Dios mo ed intiron pusom, intiron kamarerwam, intiron biskeg mo, tan intiron kanunotan mo’; tan, ‘Arom so kaabay mo a singa panangarom ed sikan dili.’”

TAGA GALACIA 3:20

Balet say bukbukor to ag mankaukolay manamegley; et saksakey so Dios.

Saray Taga Roma 3:30

ta saksakey so Dios. Judio o Hintil man ira, paandien na Dios iray kasalanan da diad panamegley na pananisia rad Cristo.

Judas 1:25

diad saksakey a Dios a Manangilaban tayo diad panamegley nen Jesu-Cristo a Katawan tayo, so kawalaan komuy kagalangan, katageyan, pakayari, tan pakaoley, manlapud gapoy gapo, natan, tan anggad angga! Amen.

1 CORINTO 8:4

Kanyan nipaakar ed pangay kakanen a nibagat ed saray talintaoy diriyos: amta tayon anggapoy kabaliksan na talintaoy dios; kabat tayon saksakey labat so Dios.

Santiago 2:19

Sisiaen mon saksakey so Dios, anto? Maung itan! Saray dimonyo sisiaen da met, tan manggiwgiw ni ra ingen.

1 Timoteo 2:5

Ta saksakey so Dios, tan saksakey met so manamegley ed Dios tan saray totoo, salanti say toon Cristo Jesus,

Deuteronomio 30:6

Say Katawan a Dios yo et itdan to kayo tan saray kabyangay boleg yo na matoluk a puso pian aroen yo ed intiron puso yo, et mansiansia kayon manayam ed saman a dalin.

1 Timoteo 1:5

Say getma na sayan ganggan mi et say pamawala na panangaron manlapud puson malinis, malinew a konsinsia, tan tuan pananisia.

Mateo 23:9

Tan nepeg ya ag yo tatawagen so siopaman a too na ‘Ama’ diad dalin, ta saksakey so Ama yon walad tawen.

Mateo 10:37

“Siopamay babaleg so panangaro tod ama o ina to nen say panangaro tod siak et ag manepeg ed siak. Ontan met, siopamay babaleg so panangaro tod anak ton laki o bii nen say panangaro tod siak, ag manepeg ed siak.

Deuteronomio 10:12

“Natan, sikayon totood Israel, dengel yo ray labay a pagawa ed sikayo na Katawan a Dios yo: Takotan yo so Katawan tan onur yo ray amin a labay ton pagawad sikayo. Aro yo, panlingkuran yo ed intiron puso yo,

Probirbio 23:26

Anak ko, dengel kan maung ed siak, tan alig mo ak ed kabibilay ko.

Saray Salmo 86:10

Sikay makapanyari tan manggagawa ka ray pakelaw; bukor mo so Dios.