Marcos 12:28 - Maung A Balita Biblia

²⁸ Nadngel na sakey ya iskriba so sangsangan da. Naimano to a si Jesus et maung so ebat to ed saray Saduseo, kanyan inmasingger tan tinepet to, “Dinan so sankamanonan ganggan?”

Maung a Balita Biblia

²⁸ Nadngel na sakey ya iskriba so sangsangan da. Naimano to a si Jesus et maung so ebat to ed saray Saduseo, kanyan inmasingger tan tinepet to, Dinan so sankamanonan ganggan?

Marcos 12:28 Referans Kwoze

Lucas 20:39

Inkuan na pigaran iskriba, “Marakep itan ya ebat mo, Maistro!”

Mateo 19:18

“Anto ra tan a ganggan?” tepet to. Inmebat si Jesus, “Ag ka mamapatey; ag ka mikakaloguran; ag ka mantatakew; ag ka mantitila ed pantasim;

Mateo 5:19

Kanyan siopamay ag mangoonur na anggan sankamelagan ed sarayan ganggan tan mangibabangat ed arum a totoon ag da met onuren, sikatoy nipasen a sankaabebaan ed Panariay tawen. Balet siopamay manusumpal ed Ganggan, tan mangibabangat ed arum a totoon sumpalen da met, sikatoy nipasen ya atagey ed Panariay tawen.

Lucas 11:42

“Pakaskasi ki la, sikayon Pariseo! Iiter yoy kakaplo na anggan saray rikado, a singa say paminta, bawang, tan amin a pising, balet sasaolen yoy kapara yon totoo tan ag yo aaroey Dios. Nepeg a gawaen yo ra ya, balet ag yo papaolyan iray arum a ganggan.

Mateo 23:23

“Pakaskasi ki la, sikayon iskriba tan sikayon Pariseo! Mansimpisimpitan a totoo! Iiter yoy kakaplo na anggan saray rikado a singa say yirbabuina, anis, tan kumino, balet ag yo susumpalen iray lalon ambelat ya ibabagay Ganggan a singa say katonungan, say panangasi, tan say inkamatoor. Nepeg yo ra yan sumpalen, balet ag yo met papaolyan iray arum a ganggan.

Marcos 9:14

Kasempet da, anengneng day amayamay a totoon akamokut ed saray disipulon atilak. Misasangsangan iray iskriba ed sarayan disipulo.