Marcos 12:17 - Maung A Balita Biblia

¹⁷ Kanyan si Jesus kuanto, “Iter yod Impirador so nabebetangay Impirador, tan iter yo met ed Dios so nabebetangay Dios.” Kanyan mankelaw irad sikato.

Maung a Balita Biblia

¹⁷ Kanyan si Jesus kuanto, Iter yod Impirador so nabebetangay Impirador, tan iter yo met ed Dios so nabebetangay Dios. Kanyan mankelaw irad sikato.

Marcos 12:17 Referans Kwoze

Saray Taga Roma 13:7

Iter yo sirin ed sikaran amin so kanepegan da ya awaten; bayaran yoy lisinsia yo tan buis yo ed saray nepeg a pambayaran; takotan yo ray nepeg a takotan, tan igalang yo ray nepeg a galangen.

1 Pedro 2:17

Pagalangan yo ray amin a katoowan tan aro yo ray kapara yon mananisian agagid Cristo. Mambilay kayon walay takot ed Dios tan walay panangigalang ed Impirador.

Saray Taga Roma 6:13

Ag yo met papaoleyad kasalanan iray kabyangay laman yo, pian ag ira nikanad panggaway kaogsan. Isaklang yo ingey bilay yod Dios, a singa totoon inatey a pinaolid bilay, tan iyabuloy yon ikanay Dios iray kabyangay laman yo ed panggaway kamaungan.

Probirbio 24:21

Anak ko, igalang moy Katawan tan pagalangan moy ari. Ag ka mibabalid saray totoon onlalaban ed sikara.

Saray Taga Roma 12:1

Kanyan, agagi, lapud ontan lan panangasi na Dios, kerewen kon isaklang yon mabilay a bagat ed Dios so bilay yo, bagat a masanto tan makapaliket ed sikato. Sikato yay panangigalang yod Dios.

Mateo 22:46

Anggapoy anggan sakey ya akaebat ed kinen Jesus. Kanyan nanlapud saman ya agew, anggapo lay makakpel a mantepet ed sikato.

Mateo 22:22

Mankelaw ira nen arengel da ya, tan tinmaynan la ra.

Malakias 1:6

Say Katawan a Makapanyarin-amin kuantod saray papari, “Say anak papagalangan toy ama to, tan say aripen papagalangan toy amo to. Siak so ama yo—akin et ag yo ak pagalangan? Siak so amo yo, akin et ag yo ak itday galang? Babalawen yo ak balet tetepeten yo, ‘Panoy pamabalaw mid sika?’

Marcos 12:30

Arom so Katawan a Dios mo ed intiron pusom, diad intiron kamarerwam, diad intiron kanunotan mo, tan diad intiron biskeg mo.’

Mateo 22:33

Nen nadngel ya na totoo, ontan lay pankelaw dad saray bangat to.

Probirbio 23:26

Anak ko, dengel kan maung ed siak, tan alig mo ak ed kabibilay ko.

Mateo 8:10

Mankelaw si Jesus nen nadngel to ya. Inkuantod saray totoon manomtombuk ed sikato, “Kuankod sikayo: ag ko ni akarumog na singa onyan pananisiay too, ya anggan diad Israel.

Mateo 22:21

“Say Impirador,” ebat da. “No ontan sirin,” kuanen Jesus, “iter yod Impirador so nabebetangay Impirador, tan iter yo met ed Dios so nabebetangay Dios.”

Marcos 12:16

Initdan day sakey a kuarta, tan tinepet tod sikara, “Siopay akanlupa tan akanngaran na nitatak ed kuarta?” “Say Impirador,” ebat da.

Lucas 20:25

Inkuanen Jesus, “No ontan sirin, iter yo Impirador so nabebetangay Impirador, tan iter yo met ed Dios so nabebetangay Dios.”