Marcos 11:28 - Maung A Balita Biblia

²⁸ Tinepet dad sikato, “Antoy pankatonungan mon manggawad saraya? Siopay angiter ed sika na pankatonungan a manggawad saraya?”

Maung a Balita Biblia

²⁸ Tinepet dad sikato, Antoy pankatonungan mon manggawad saraya? Siopay angiter ed sika na pankatonungan a manggawad saraya?

Marcos 11:28 Referans Kwoze

Exodo 2:14

Inmebat imay too, “Siopa so anorod sika a manoley tan manintinsia ed sikami? Labay mo ak a pateyen a singa impamatey mod samay Egipsio?” Tinmakot ed satan si Moises tan inkuantod sikaton dili, “Akabatan la na totoo imay ginawak.”

Saray Gawgawa 7:51

“Agaylay awet na olo yo! Agaylay ag pangoman na puso yo! Agaylay ag yo idengel ed salitay Dios! Kaparpara yo ray lalaki yo: susumlangen yo met a naynay so Ispiritu Santo!

Saray Bilang 16:13

Ag ka ta ni nakda ed impangipaway mod sikami manlapud mataban dalin na Egipto pian napatey mo kami diad kalawakan? Oleyan mo kami ni?

Saray Bilang 16:3

Nantitipon ira ed arap di Moises tan Aaron tan kuandad sikara, “Nalalabas kayo la! Amin da ray totood Israel et kayaryan ira na Katawan, tan oolupen itayon amin na Katawan. Akin sirin, Moises, et ipapasen moy sikan dili ya atagey nen saray amin a katoowan?”

Marcos 11:27

Pinmawil ira lamet ed Jerusalem. Nen manaakar si Jesus ed loob na Timplo, inmasingger iray manonan papari, saray iskriba, tan saray mamatakken na baley.

Marcos 11:29

Inmebat si Jesus ed sikara, “Wala pa labat so tepeten kod sikayo. No ebatan yo ak, ibagak ed sikayo no antoy pankatonungan kon manggawad saraya.