Marcos 10:37 - Maung A Balita Biblia

³⁷ Inmebat ira, “Iyabuloy mo pa komun ya onyorung kami ed nikawanan tan nikawigim, no onyorung ka lad trono na Panarian mo.”

Maung a Balita Biblia

³⁷ Inmebat ira, Iyabuloy mo pa komun ya onyorung kami ed nikawanan tan nikawigim, no onyorung ka lad trono na Panarian mo.

Marcos 10:37 Referans Kwoze

Mateo 19:28

Inkuanen Jesus, “Kuankod sikayo a no say Anak na Too et akayorung lad mapagalang a trono diad Balon Mundo, sikayon ontotombuk ed siak onyorung ki met ed labinduan trono a manintinsia ed saray labinduan boleg na Israel.

Lucas 24:26

Ag ta nakaukolan a panirapan na Cristo ira yan amin kasakbayan a nagamuran toy mapagalang a kipapasen to?”

Marcos 16:19

Kasumpal ya akisalitay Katawan a Jesus ed sikara, niatagey ed tawen tan inmirung ed nikawanan na Dios.

Saray Salmo 110:1

Say Katawan inkuantod katawan ko ya ari, “Yorung ka ed nikawanan ko anggad napasukok ed sika iray kalaban mo.”

1 Pedro 1:11

Sinali ran inanap no kapigan tan no panoy isabi to yan panaon. Say Ispiritu nen Cristo a walad sikara intoro to yan panaon, nen impasakbay to ray kairapan a liknaen nen Cristo tan say kagalangan ya ontombuk.

Marcos 8:38

Kanyan siopamay mangibaing ed siak tan saray salitak ed sayan panaon a makasalanan tan ag mamirbir ed Dios, sikato met so ibaing na Anak na Too, no onla dian ompawil a kataruk toy kagalangay Ama tan kaiba to ray masanton anghil.”

Mateo 25:31

“No onsabin Ari so Anak na Too a kaiba to ray amin ya anghil, onyorung ed mapagalang a trono to.

1 Saray Arari 22:19

Intuloy nen Micaya ya inkuan, “Dengel mo natan so ibabagay Katawan! Anengneng koy Katawan a manyodyorung ed trono tod tawen, tan manalalagey ed diking to iray amin ya anghil to.

Saray Salmo 45:9

Saray arum a bibiid palasiom et anak na saray arari, tan manalalagey so riyna ed nikawanay tronom, ya akaalahas na puron balituk.

Marcos 10:36

“Antoy labay yon gawaen ko para sikayo?” tinepet nen Jesus ed sikara.