Marcos 10:19 - Maung A Balita Biblia

¹⁹ Amtam iray ganggan: ‘Ag ka mamapatey; ag ka mikakaloguran; ag ka mantatakew; ag ka mantitila ed pantasim; ag ka mansasaol; igalang moy amam tan inam.’”

Maung a Balita Biblia

¹⁹ Amtam iray ganggan: Ag ka mamapatey; ag ka mikakaloguran; ag ka mantatakew; ag ka mantitila ed pantasim; ag ka mansasaol; igalang moy amam tan inam.

Marcos 10:19 Referans Kwoze

Saray Taga Roma 13:9

Ta saray ganggan, “Ag ka mikakaloguran; ag ka mamapatey; ag ka mantatakew; ag ka maagom” tan arum ni ran ganggan a singa saraya et natitibokel ed sayan ganggan, “Arom so kaparam a too, a singa panangarom ed sikan dili.”

Santiago 2:11

Ta say angibaga, “Ag ka mikakaloguran,” imbaga to met, “Ag ka mamapatey.” Anggan ag ka mikaloguran balet et amatey ka, mananumlang ka met lamlamang ed ganggan.

Lucas 18:20

Amtam iray ganggan: ‘Ag ka mikakaloguran; ag ka mamapatey; ag ka mantatakew; ag ka mantitila ed pantasim; igalang moy amam tan inam!’”

1 TESALONICA 4:6

Nipaakar ed saya sirin, nepeg ya anggapoy toon manggaway maoges o mansaol ed agi to. Pinasakbayan mi kayo lan maung nen saman, a say Katawan dusaen ton dusaen iray manggaway onya ran kaogsan.

TAGA GALACIA 5:14

Ta natitibokel so amin a Ganggan ed saksakey a ganggan: “Arom so kaparam a too a singa panangarom ed sikan dili.”

TAGA GALACIA 4:21

Tepetan ta ki pa, sikayon malabay a pasakop ed Ganggan: ag yo ta derengeley ibabaga na Ganggan?

Saray Taga Roma 3:20

Ta anggapoy toon nibilang a matonung ed arap na Dios diad panamegley na panangonur toy ibabagay Ganggan. Say gagawaey Ganggan et say pangipapaamta to a nankasalanan so too.

Isaias 8:20

Onya so iyebat mod sikara, “Dengel yoy ibabangat ed sikayo na Katawan! Ag yo dedengelen iray managpanon ed saray ispiritu na inaatey—ag da napaandi so gunigon.”

Marcos 10:18

Inmebat si Jesus ed sikato, “Akin et tatawagen mo ak na maung? Anggapoy arum a maung no ag say Dios labat.