Marcos 1:40 - Maung A Balita Biblia

⁴⁰ Walay sakey a lakin akating a linmad kinen Jesus, tinmalimukor ed arap to tan akikasi. Inkuanto, “No labay mo, nayarian mo ak a paabigen.”

Maung a Balita Biblia

⁴⁰ Walay sakey a lakin akating a linmad kinen Jesus, tinmalimukor ed arap to tan akikasi. Inkuanto, No labay mo, nayarian mo ak a paabigen.

Marcos 1:40 Referans Kwoze

Mateo 17:14

Nen pinmawil ira asabian day amayamay a totoo. Sinmingger so sakey a too, nantalimukor ed arap nen Jesus

2 Samuel 3:29

Pakadusaan ya komun nen Joab tan amin a kabyangay pamilya to. Diad kapag kailalakan, walan wala komuy lakin kabyangay pamilya to a mansakit na gonoriya, o kating, o say nayarian ton gawaen labat et say kimey na bii, o napatey ed bakal odino naerasan!”

Marcos 10:17

Nen onaalis lay Jesus, walay sakey a lakin mambabtik a linmad sikato. Tinmalimukor ed arap nen Jesus, insan tinepet to, “Maung a Maistro, antoy nepeg kon gawaen pian nagamuran koy bilay ya andi-anggaan?”

Saray Gawgawa 7:60

Tinmalimukor tan ineyag toy makmaksil, “Katawan, ag mo pa la ipapakasalanan ed sikara yan ginawa ra!” Kapangibaga tod saya, inatey.

Lucas 22:41

Insan inmarawiy daiset. Nantalimukor diman tan nampikasi.

Mateo 11:5

saray bulag makakanengneng ira, saray lopuy makakaakar ira, saray akating onaabig ira, saray telek makakadngel ira, saray inaatey nabibilay ira, tan saray mairap-bilay nipupulong ed sikara so Maung a Balita.

2 Saray Arari 15:5

Impansakit na Katawan si Uzias na kating tan nansiansia yad sikato legan to nin nambilay. Nibiig so nanayaman ton abung, asoblayan ed saray kimey to, tan si Jotam ya anak ton laki so nanoley ed bansa.

2 Saray Arari 7:3

Walay apatiran lalakin akating a wala rad paway na saray puirta na siudad, tan kuandad sakey tan sakey, “Akin et manalagar tayo dia ya anggad ag tayo ipatey?

Genesis 18:14

Akin, walay mairap ed Katawan? Onung na inkuanko la, siam bulan a manlapud natan, ompawil ak dia, et wala lad satan so lakin anak nen Sara.”

TAGA-EFESO 3:14

Lapud saya, ontatalimukor ak ed arap na Ama

2 Saray Awaran 6:13

Nanggaway Solomon na gansan intablado tan inyan tod pegley na patio. Duara tan kapalduan mitro a kuadrado so kabaleg to tan sakey tan kapalduan mitro so kaatagey to. Sinmapat ed sayan intablado, tinmalimukor ed pasen a nanengneng na balang sakey, insan to inyatagey ed tawen iray lima to.)

Marcos 1:41

Akasian nen Jesus kanyan inyonat toy lima to, diniwit to, tan inkuanto, “Labay ko. Abig ka la!”