Marcos 1:39 - Maung A Balita Biblia

³⁹ Niliber toy intiron Galilea a nampupulong ed saray sinagoga tan nampapapaway na saray dimonyo.

Maung a Balita Biblia

³⁹ Niliber toy intiron Galilea a nampupulong ed saray sinagoga tan nampapapaway na saray dimonyo.

Marcos 1:39 Referans Kwoze

Mateo 4:23

Niliber nen Jesus so intiron Galilea a nambabangat ed saray sinagoga. Nampupulong na Maung a Balitan nipaakar ed Panarian, tan pinapaabig to met ya amin iray a totoon walay sasakiten tan liliknaen.

Marcos 1:21

Linma rad baley na Capernaum, et nen ontombuk ya Agew na Panagpainawa, ginapoan nen Jesus so nambangat ed sinagoga.

Lucas 4:41

Pinmapaway iray dimonyo ed amayamay a totoo. Nen ompapaway ira, iniingal da, “Sikay Anak na Dios!” Balet binano ra nen Jesus, tan ag to ra abuloyan a mansalita, lapud amta ran sikato so Cristo.

Marcos 7:30

Sinmempet imay bii tan asabian toy anak ton mareereen ya akarokul, ta tinaynanan lay dimonyo.

Mateo 9:35

Nililiber nen Jesus ya amin iray bario tan baley. Nambabangat ed loob na saray sinagoga tan nampupulong na Maung a Balitan nipaakar ed Panarian. Pinapaabig to met ya amin iray totoon maniirap na nandoroman sakit tan liliknaen.

Marcos 1:23

Kabebekta linmoob ed sinagoga so sakey a lakin inaponay maoges ya ispiritu,

Marcos 1:38

Balet inmebat si Jesus, “Onla ti met a mampulong ed saray kaliber-liber a pasen, ta sikato yay makasengeg na inakaran ko dia.”

Marcos 3:1

Nen pinmawil si Jesus ed sinagoga, walad may lakin aparalisis so sakey a lima to.

Marcos 6:6

Mankelaw a maung lapud ag da panisiad sikato. Linman nambabangat si Jesus ed kaliber-liber iran bariod man.