Malakias 3:2 - Maung A Balita Biblia

² Balet siopay makapangitepel na agew na isabi to? Siopay nabilay no sikatoy ompanengneng? Sikatoy singa mabayanin sabon, singa apoy a manlinis ed mital.

Maung a Balita Biblia

² Balet siopay makapangitepel na agew na isabi to? Siopay nabilay no sikatoy ompanengneng? Sikatoy singa mabayanin sabon, singa apoy a manlinis ed mital.

Malakias 3:2 Referans Kwoze

Zacarias 13:9

Suboken ko ray akeraan a kakatlo tan linisan ko ran singa kalinisan na pilak ed apoy. Suboken ko ran singa kasubok na balituk. Insan ira mampikasi ed siak, et ebatan ko ra. Ibagak ed sikara a sikaray totook, tan ibawag dan siak so Dios da.”

Isaias 4:4

Lapud pakayari na Katawan sintinsiaan tan pasantosen to so bansa tan orasan tod kasalanan so Jerusalem tan ekalen toy dala a naibung diman.

Puyan 6:17

Ta sinmabi lay baleg ya agew a pampasnuk da, et siopay makatepel a miarapan?”

Lucas 21:36

Kanyan nakaukolan a sipaparaan kayo lawas tan ag yo totondaay mampikasi, pian nawalaan kayoy biskeg ya ompaliis ed amin da ra yan nagawa, tan makapiarap kayod Anak na Too.”

Saray Salmo 2:7

“Ibawag koy imbagay Katawan,” kuay ari. “Inkuay Katawan ed siak: ‘Sikay anak ko; natad sayan agew nagmaliw ak ya amam.

Lucas 3:17

Sankabembenan toy bigaon pantaep to na trigo. Tiponen toy ilik ed kamalir to, balet poolan toy taep ed apoy ya ag balut naerep.”

Lucas 3:9

Akaparaan lay wasay a pamatang ed saray kiew ya anggad lamut. Amin a kiew ya ag mambungay maung nabatang tan nibantak ed apoy.”

Malakias 4:1

Say Katawan kuanto, “Onsabiy agew a napoolan a singa dayami iray mapaatagey tan maoges a totoo. Diad satan ya agew napoolan ira tan anggapoy nakeraan ed sikara.

Puyan 2:23

Pateyen ko met iray anak to, pian naamtaan na saray iglisia a siak so makaamta ed puso tan kanunotan da ray katoowan. Mangiter ak ed balang sakey ed sikayo, onung ed saray gawgawa to.

Saray Hebreo 12:25

Manalwar kayo, sirin, tan ag yo ipopolisay a dengelen so mansasalita. Ag akaliktar iray ag dinmengel ed pamasakbay na mansasalita diad tapew na dalin. Lautla sirin ya ag tayo naliktaray dusa, no ag tayo dengeley pamasakbay na mansasalita diad tawen!

Juan 8:55

Ag yo ni akabatan, balet kabkabat ko. No ibagak ya ag ko kabat, matila ak met a singa sikayo. Balet kabkabat ko tan oonuren koy salita to.

Lucas 2:34

Binindisionan nen Simeon, tan inkuantod Maria ya ina nen Jesus, “Pinili na Dios yan ogaw a kaderalan o kilabanan na dakel a totood Israel. Sikatoy sakey a tandan manlapud Dios, balet sumpaen na amayamay a totoo,

Jeremias 2:22

Anggaman a mansabon ka na sanka-bayanian a sabon ed panames mo, nanengneng ko nin siansiay mansay kasalanan mo.

Isaias 1:18

Say Katawan kuanto, “Gali dia natan, ta mampapalinewan itayo. Anggaman a marotarotak kayod kasalanan, pagmaliwen ta kayon malinis a singa yilo. Anggaman ya ambalangan singa dala iray kasalanan yo, pagmaliwen ta kayon singa kapotiy bagoy karniro.

Mateo 25:10

Linma sirin ira may kulang na kalakal tan legan dan manasaliw, sinmabiy nubio. Saramay limaran makalakal, lapud akaparaan la ra, akiolup irad nubio a linmoob ed pambansalan. Kaloob da, nikaput so puirta.

Marcos 9:3

Sinmilesileng tan pinmotipoti so kawes to; anggapoy pumepesak a makapapotiy kawes a singa poti to.

Ezekiel 22:14

Abaloan mo wala niy nakdaan a biskeg na linawam odino wala niy biskeg mon mangitagey na limam no dusaen ta ka? Siak a Katawan so nansalita, tan totooren koy imbagak.

Puyan 19:8

akakawes lay malinis tan masilesileng a lino.” (Say lino sikatoy maung iran gawgawa na totooy Dios.)

Puyan 7:14

“Ag ko amta,” ebat ko. “Sikayoy makaamta.” Inkuantod siak, “Sikara yay totoon akaliktar ed baleg a kairapan. Inorasan tan pinapoti ray kawes da ed dala na Kordiro.

Lucas 7:23

Maliket so toon ag naekalay pananisia ed siak!”

1 Samuel 6:20

Kanyan inkuan na saray taga Bet-semes, “Siopay nayarin ontalindeg ed arap na Katawan, sayan masanton Dios? Iner so pangyakaran tayod Kaban to, pian naarawian to tayo la?”

Saray Salmo 76:7

Balet sika makapataktakot ka. Siopay makakpel ya onarap ed sika no mamapasnuk ka?

Saray Salmo 130:3

No inlistam iray kasalanan mi, siopay makapaliis ed panusam?

Probirbio 25:4

Ekalan moy dotak so pilak, et makagawa lay bengatlan marakep so platiro.

Isaias 33:14

Manggiwgiw ed takot iray makasalanan a totood Sion. Kuanda, “Singa apoy a mandarlang ed anggad angga so panagsintinsia na Dios. Wala kasid sikatayoy makapangitepel ed onyan dalang?”

Daniel 11:35

Napatey ira may arum a pangulon makabat, balet lapud sayan nagawa nalinisan iray totoo. Ontuloy yan nagawa ya anggad onsabi so anggaan, say panaon ya inggetar na Dios.

Joel 2:11

Say Katawan iyeeyag ton singa karul so ganggan tod saray sondalo to. Amayamay iray sondalo ton onoonur ed sikato tan makapanyari ra. Makapataktakot a tuloy so agew na Katawan! Siopay makapaliis ed patey no onsabi yan agew?

Nahum 1:6

No mamapasnuk so Katawan, siopay makapaliis ed patey? Siopay makatepel na ontan lan sanuk to? Iibung toy manliub a pasnuk to; diad arap to nakukusbo tan ondadabuk iray baton-dampay.

Genesis 19:28

Inosdungan to ray siudad na Sodoma tan Gomorra tan samay intiron patar, et anengneng ton manlalapud man so asewek, a singa asewek a manlalapud baleg ya ornowan.

Say Libro nen Job 28:1

Wala ray minas a pangokotkotay pilak; Wala ray pasen a panggogogolay balituk.