Malakias 3:18 - Maung A Balita Biblia

¹⁸ Maminsan ni nanengneng na saray totook so pandomaan na nagawad saray matonung tan saray maoges a totoo, say pandomaan na pansumpalan da ray totoon manlilingkur ed siak tan diad saray ag manlilingkur ed siak.”

Maung a Balita Biblia

¹⁸ Maminsan ni nanengneng na saray totook so pandomaan na nagawad saray matonung tan saray maoges a totoo, say pandomaan na pansumpalan da ray totoon manlilingkur ed siak tan diad saray ag manlilingkur ed siak.

Malakias 3:18 Referans Kwoze

Mateo 25:46

Sikara ya sirin so onlad dusan andi-anggaan; saray matonung so panagbilay da sikaray onlad bilay ya andi-anggaan.”

Genesis 18:25

Andi-duaruwan ag mo pipatey iray matonung ed saray maoges. Ag nayarin balut a gawaen moy ontan. Ta no gawaen mo, napidusa ray matonung ed saray maoges. Ag nayarin balut! Ag ta matonung so huis na intiron mundo?”

Josue 24:15

No ag yo labay a panlingkuran so Katawan, mampili kayo natan no siopay panlingkuran yo, saray diriyos ya inggagalang na saray lalaki yo ed Mesopotamia odino saray diriyos da ray Amorreo a panaayaman yo natan so dalin da. Para say siak tan say pamilyak, panlingkuran mi so Katawan.”

Jeremias 12:15

Balet kayarik iran pataynanen, kasian ko ra; ipawil koy balang too ed dilin baley to tan diad dilin bansa to.

Saray Gawgawa 27:23

Ta kalabyan, nampanengneng ed siak so sakey ya anghil na Dios, say Dios ya akankien ed siak tan gagalangen ko.

Juan 12:26

Siopamay manlingkur ed siak, nepeg to ak a tombuken, ta no iner so kawalaan ko diman met so kawalaan na aripen ko. Pagalangan na Amak so siopaman a manlingkur ed siak.”

1 TESALONICA 1:9

Sikara lan diliy mangibabalita no panoy impangawat yod sikami, tan no panoy impangibeneg yod panaglingkur ed saray talintaoy diriyos, pian makapanlingkur kayod tua tan mabilay a Dios.

Saray Gawgawa 16:17

Tinotombuk toy Pablo tan sikami, tan iniingal-ingal to, “Sarayan totoo aripen iray Sankatageyan a Dios! Ibabawag dad sikayo so dalan na kilalaban!”

Malakias 1:4

No ibaga na saray kabyangay boleg nen Esau salanti saray Edomita, “Aderal-deral iray baley mi, balet pasimbaloen mi ran ipaalagey,” say Katawan onebat ed satan, “Pasimbaloen da ra labat ya ipaalagey—igebak ira lamet. Tawagen ira na saray totoo, ‘Say maoges a bansa’ tan ‘Say bansan pamapasnukan na Katawan.’”

Saray Taga Roma 1:9

Say Dios, a panlilingkuran kod intiron pusok diad pangipupulong koy Maung a Balitan nipaakar ed Anak to, so tasik ya ipipikasi ta kayo lawas.

Zacarias 1:6

Diad panamegley na saray aripen kon propita inter kod sikara iray ganggan ko tan pinasakbayan ko ra, balet ag da ra inngalngalep kanyan adusa ra. Insan nagbabawi ra tan binirbir da a siak a Katawan a Makapanyarin-amin et dinusak ira onung na kanepegan da tan onung na ginetmak la.’”

Joel 2:14

Angangko mangoman a kanunotan so Katawan a Dios yo tan bindisionan to kayo na daakan iran bungay tanaman. Diad satan nayarian yoy mangibagat ed sikato na trigo tan alak.

Say Libro nen Job 17:10

Balet no ondago ran amin a manalagey ed arap ko, anggapod sikaray makabat a narumog ko.

Say Libro nen Job 6:29

Nalalabas kayo la. Tondaan yo la tay alablabas a panggagawa yoy aliwan matonung. Ag yo ak pankakasalananen, ta wala ak ed kaptekan.

Daniel 2:18

Imbaga tod sikaran onkerew ira na panangasi na Dios na tawen tan ipikasi rad sikato ya ipaliwawa tod sikara so mistirio, pian ag ira napipatey ed saray arum a sumisimbawa a walad Babilonia.

Amos 5:15

Bosul yoy kaogsan, aro yoy kamaungan, et nanengneng yod satan ed saray korti ya ontalona so katonungan. Angangko kasian na Katawan iray totoon atilak nin mabilay ed sayan bansa.

Exodo 11:7

Balet anggapoy anggan aso ya ondangul ed saray Israelita, odino anggan diad saray ayayep da. Diad satan naamtaan yo a siak a Katawan idomak so gawaen kod saray Egipsio ed saray Israelita.’”