Malakias 2:17 - Maung A Balita Biblia

¹⁷ Pinasawa yoy Katawan lapud panagsalita yo. Balet tetepeten yo, “Panoy impamasawa mid sikato?” Pinasawa yo diad impangikuanyo, “Ipapasen na Katawan a Makapanyarin-amin a maung iray manggagaway kaogsan; diad tuay tua labalabay to ra.” Odino diad panamegley na panetepet yo, “Kawalaay Dios a nepeg a matonung?”

Maung a Balita Biblia

¹⁷ Pinasawa yoy Katawan lapud panagsalita yo. Balet tetepeten yo, Panoy impamasawa mid sikato? Pinasawa yo diad impangikuanyo, Ipapasen na Katawan a Makapanyarin-amin a maung iray manggagawa kaogsan; diad tuay tua labalabay to ra. Odino diad panamegley na panetepet yo, Kawalaay Dios a nepeg a matonung?

Malakias 2:17 Referans Kwoze

Isaias 43:24

Ag mo ak insaliwan na insinso odino pinenek ak na taba na saray tabay ayayep mo. Say agawa, ingen, et siak so impansakbat mo lapud saray kasalanan mo; pinakesaw mo ak lapud saray kaogsan a ginagawam.

Sofonias 1:12

“Diad satan a panaon mangala ak na lamparaan, ta sokimaten koy Jerusalem. Dusaen ko ray totoon singa ag ompatepatey tan mataletalek a kuandad sikaran dili, ‘Ag manggawa na maung odino maoges so Katawan.’

Ecclesiastes 8:11

Akin et maininomay a manggaway kaogsan iray totoo? Lapud ag nadudusan tampol so kaogsan.

Amos 2:13

Et natan detdetan ta kayod dalin; manayay kayod satan, tan singa kayo kariton a napnoy trigo.

Ezekiel 16:43

Alingwanan moy impangasikasok ed sika nen ogaw ka ni, tan impanpasnuk mo ak lapud saray amin a ginagawam. Lapud saya siningil ta kad sarayan amin. Akin et inyarum moy marotak ya impipiakdul mod arum ed saray ginagawam a makapaingungot a bengatla?” Say Katawan a Dios so nansalita.

Ezekiel 8:12

Tinepet na Dios ed siak, “Sika a toon ompatey, nanenengneng moy maamut a gagawaen da ray pangulo na saray Israelita? Mangigagalang iran amin ed sakey a kuarton napnoy imahin. Inkuanda ya ibabaraan: ‘Ag itayo nanenengneng na Katawan! Inkaindan to so bansa.’”

Jeremias 15:6

Impolisay yo ak, sikayon totoo; imbeneg yo ak. Kanyan inyonat ko ray limak, tan kinabil ta kayo, lapud naoputan ak lay anos ed sikayo.

Isaias 30:18

Anggaman ontan, manaalagar so Katawan a mangasid sikayo. Sipaparaan a mangasid sikayo lapud matonung lawas so gagawaen to. Maliket iray totoon manmamatalek ed Katawan.

Isaias 7:13

Inmebat si Isaias, “Dengel ka natan, sika a kabyangay boleg nen David. Makapoy ed sika ya ekalan moy anos so too—ekalan moy anos so pati Dios?

Isaias 1:14

Kabosul ko ray Balon Bulan a Pista yo tan saray masanton agew yo. Ag ko la ra naanosan a sakbaten.

Say Libro nen Job 36:17

Balet natan nadudusa ka onung ed kanepegan mo.

Say Libro nen Job 34:17

Abaloan yon kabosul na Dios so katonungan? Pankakasalananen yoy matonung a Dios?

1 Samuel 2:3

Itonda yo lay makmaknul a panagpasirayew yo; ag ki la mampapasirayew ed saray panagsalita yo. Ta say Katawan et sakey a Dios a makapikabat ed amin, tan sintinsiaan toy amin a gawgawa na katoowan.

Malakias 3:8

Tetepetan ta kayo, maung kasin takewan na too so Dios? Andi-duaruwa ya aliwan maung, balet tatakewan yo ak. “Panon mi kan tatakewan?” tepet yo. Diad saray kakaplo tan diad saray bagat.

Malakias 2:14

Tetepeten yo no akin et ag to la ra aawaten iray bagat yo. Say makasengeg et lapud amta ton dineral yoy sipan yod bii ya inasawa yo nen malangwer kayo ni. Sikatoy katambayan yo, balet dineral yoy sipan yod sikato, anggaman ya insipan yod arap na Dios a matoor kayod sikato.

Ezekiel 9:9

Inmebat so Dios, “Baleg a tuloy so kasalanan na saray totood Israel tan Juda. Nampapatey irad inerman a pasen na dalin na Israel tan pinano ray Jerusalem na amin a kaogsan. Ibabaga ra a siak a Katawan et inkaindan koy bansa ra tan ag ko ra nanenengneng.

Say Libro nen Job 34:36

Dalepdep yon maung iray sasalitaen nen Job; naamtaan yod satan a mansasalitan singa toon maoges.

Deuteronomio 32:4

“Say Katawan so makapanyarin manangyagel yo, ayadyari tan matonung ya amin so gagawaen to; Matoor tan matwa so Dios yo; say katonungan tan kaptekan so gagawaen to.

Say Libro nen Job 9:24

Inter na Dios so mundo ed saray maoges a totoo, Binulag to ray amin a huis. No ag ya ginawa na Dios, siopa sirin so nanggawa?

Isaias 29:15

Pangaskasiyan iray totoon mangyaamut ed Katawan na saray plano ra! Maamut a gagawaen da ray getma ra, tan abaloan da ya anggapoy makanengneng ed sikara o makaamta na saray gagawaen da.

Isaias 43:22

Say Katawan kuanto, “Balet sinmawa kad siak nen saman, Israel; ag mo ak inggalang.

Jeremias 17:15

Saray totoo kuandad siak, “Iner so kawalaan na saray taktakot na Katawan sumpad sikami? Pagawam la ra natan ed sikato!”

Jeremias 44:22

Diad sayan agew aderal-deral so dalin yo tan anggapoy manaayam. Nagmaliw a makapagiwgiw a nengnengen tan ikakana na saray totoo so ngaran to a sakey a samba, lapud ag la naanosan na Katawan so marotak tan maoges a gagawaen yo.

Ezekiel 18:25

“Balet kuanyo, ‘Aliwan matonung so gagawaen na Katawan a Dios!’ Dengel yo ak, sikayo ran Israelita. Abaloan yo aliwan maptek so gagawaen ko? Saray gagawaen yo ingen so aliwan maptek.

Jeremias 12:1

“Katawan, no manriklamo ak ed sika, napaneknekan mon matonung ka. Anggaman ontan tepetan ta ka na nipaakar ed katonungan. Akin et maaligwas so panagbilay da ray totoon maoges? Akin et mapalabo ray managpalikdon totoo?