Malakias 2:16 - Maung A Balita Biblia

¹⁶ “Kabosul koy pansiyan na sanasawa,” kuay Katawan a Dios na Israel. “Ag ko labay a balut a sakey ed sikayo et gawaen tod asawa to itan a maruksan bengatla. Alwaran yo sirin ya ag yo dederalen so sipan yon matoor kayod asawa yo.”

Maung a Balita Biblia

¹⁶ Kabosul koy pansiyan na sanasawa, kuay Katawan a Dios na Israel. Ag ko labay a balut a sakey ed sikayo et gawaen tod asawa to itan a maruksan bengatla. Alwaran yo sirin ya ag yo dederalen so sipan yon matoor kayod asawa yo.

Malakias 2:16 Referans Kwoze

Lucas 16:18

“Say lakin mangisiad asawa to tan mangasaway sananey a bii, mikaloguran. Mikaloguran met so lakin mangasaway biin insian.”

Probirbio 28:13

Ag ka onaligwas ed bilay no iyamut mo ray kasalanan mo, balet no ipatwam ira tan ibeneg mo la ra, kasian ka na Dios.

Isaias 50:1

Say Katawan kuanto, “Abaloan yo amon pinataynan ko ray totook a singa sakey a lakin angisian na asawa to? Kawalaan sirin na saray kasulatan na impansian? Abaloan yo amon inlako ta kayo ed inkadakep a singa sakey a too ya inlako ton aripen iray anak to? Andi, adakep kayod arawi lapud saray kasalanan yo; apataynan kayod arawi lapud saray kaogsan a ginagawa yo.

Isaias 28:20

Singa kayo samay too ed sakey a probirbio ya ondokul ed sakey a katrin antikey a tuloy, tan makisir a tuloy so oles.

1 CORINTO 7:10

Walay ganggan kod saray walay asawa, ya ag nanlapud siak no ag diad Katawan: ag nepeg a misiyan so bii ed asawa to.

Saray Salmo 73:6

Kanyan say panagpaatagey da et singa kadinan akasolung ed saray beklew da tan say panagduksa ra et singa kawes ya akakolibemben ed sikara;

Probirbio 5:20

Anak ko, akin et iter moy panangarom ed arum a bii? Akin et labay mo niy ganggana na asaway arum a laki?