Malakias 1:6 - Maung A Balita Biblia

⁶ Say Katawan a Makapanyarin-amin kuantod saray papari, “Say anak papagalangan toy ama to, tan say aripen papagalangan toy amo to. Siak so ama yo—akin et ag yo ak pagalangan? Siak so amo yo, akin et ag yo ak itday galang? Babalawen yo ak balet tetepeten yo, ‘Panoy pamabalaw mid sika?’

Maung a Balita Biblia

⁶ Say Katawan a Makapanyarin-amin kuantod saray papari, Say anak papagalangan toy ama to, tan say aripen papagalangan toy amo to. Siak so ama yoakin et ag yo ak pagalangan? Siak so amo yo, akin et ag yo ak itday galang? Babalawen yo ak balet tetepeten yo, Panoy pamabalaw mid sika?

Malakias 1:6 Referans Kwoze

Lucas 6:46

“Akin et tatawagen yo ak na ‘Katawan, Katawan!’ et ag yo lamlamang totombukey ibabagak?

Isaias 1:2

Inkuan na Katawan, “Sikayon tawen tan mundo, dengel yoy ibagak! Linmaban ed siak iray pinabaleg kon anak.

Exodo 20:12

“Igalang moy amam tan say inam, pian andokey so pambilay mo ed dalin ya iter kod sika.

1 Pedro 1:17

Say Dios anggapoy lalabien to. Sintinsiaan toy balang sakey onung ed saray ginagawa to; tan lapud tatawagen yo na Ama, nepeg yon pagalangan legay panayam yo a sangkaili diad tapew na dalin.

Oseas 12:8

‘Mayaman kami,’ kuanda. ‘Amayamay so atipon min kayaryan, tan anggapoy makaakusad sikami ed impansasaol mi.’

Isaias 64:8

Balet sika so ama mi, Katawan. Aliling miy pitek, tan aliling moy managgaway banga. Pinalsa mo kami,

TAGA-EFESO 6:2

“Igalang moy amam tan inam.” Sikato yay ononan ganggan a walay katekep ton sipan; say sipan saya:

Probirbio 30:17

Say toon luludlureyen toy ama to odino balbalawen toy akolaw lan ina to et nepeg a kanen na saray buitri, odino ipatoktok ed saray wawak ed katakelan iray mata to.

Mateo 7:21

“Aliwan amin da ray ontawag ed siak na ‘Katawan, Katawan,’ so makaloob ed Panariay tawen, no ag labat saray manumpal ed linaway Amak a walad tawen.

Mateo 6:9

Onyay pampikasi yo sirin: ‘Ama min walad tawen: Nagalang komuy ngaran mo;

Probirbio 30:11

Wala ray totoon isasamba ray kaamaan da, tan ag da pisasalamatan iray kainaan da.

Deuteronomio 5:16

“‘Igalang moy amam tan say inam, onung na ingganggan ko, siak a Katawan a Dios mo, ed sika, pian maung lawas so kipapasen mo tan andokey so pambilay mo ed dalin ya iter kod sika.

Levitico 19:3

Balang sakey ed sikayo et nepeg a pangalangan toy ina to tan say ama to, tan nepeg a ngilinan toy Agew na Panagpainawa, onung na ingganggan ko. Siak so Katawan a Dios yo.

Marcos 10:19

Amtam iray ganggan: ‘Ag ka mamapatey; ag ka mikakaloguran; ag ka mantatakew; ag ka mantitila ed pantasim; ag ka mansasaol; igalang moy amam tan inam.’”

Mateo 19:19

igalang moy amam tan inam; tan arom so kaparam a too a singa panangarom ed sikan dili.”

Oseas 4:6

Adusa ray totook lapud ag da ak bibirbiren a Dios. Sikayon papari et ag yo ak binirbir a Dios yo tan impolisay yo ray bangat ko, kanyan ipolisay ta kayo tan ag ko birbiren a paparik iray anak yon lalaki.

Ezekiel 22:26

Susumlangen na saray papari so ganggan ko tan dodotakan da so antokaman a masanto. Ag da pandodomaen so masanto tan say aliwan masanto. Ag da ibabangat so pandomaan na bengatlan malinis tan say aliwan malinis, tan anggapoy walad sikara so Agew na Panagpainawa. Lapud saya, ag ak papagalangan na saray totood Israel.

Jeremias 23:11

Say Katawan kuanto, “Anggapoy Dios da iray propita tan saray papari; apesgaan ko ran manggagaway kaogsan ed dalem na Timplo.

Mateo 15:6

ag la nakaukolan ya igalang toy ama to. Diad panusumpal yod ganggan yon dili, gagawaen yon andi-kakanaan so ganggay Dios.

Malakias 2:8

“Balet natan, inmarawi kayo ed tuan dalan, sikayo ran papari. Inggolo na bangat yo a nanggagaway kaogsan iray amayamay a totoo.

Lucas 10:29

Balet labay to may makabat ed Ganggan a bawiey kagalangan to, kanyan tinepet tod kinen Jesus, “Siopay kaabay ko?”

Lucas 6:36

Nepeg yoy mapangasi, a singa say mapangasin Ama yo.”

Marcos 7:10

Singa satan, imbaga nen Moises, ‘Igalang moy amam tan inam,’ tan, ‘Nakaukolan ya ompatey so siopaman a mampaoges ed ama o ina to.’

Jeremias 31:9

Diad liket dan ompapawil iray totook ag da napokpokay interter na lua ra, mampipikasi ra legan ko ran iwawanwan. Iwanwan ko rad gilig na managagos a danum, diad mablak a dalan pian ag ira niparokul. Singa ama so pasen ko ed Israel, et si Efraim so sankapangulowanan ya anak kon laki.”

Lucas 18:20

Amtam iray ganggan: ‘Ag ka mikakaloguran; ag ka mamapatey; ag ka mantatakew; ag ka mantitila ed pantasim; igalang moy amam tan inam!’”

Mateo 15:4

Ta inkuay Dios, ‘Igalang moy amam tan inam,’ tan ‘Nakaukolan ya ompatey so siopaman a toon mamapaoges ed ama o ina to.’

Oseas 5:1

“Dengel kayod sayan salita, sikayo ran papari! Manimano kayo, sikayo ran totood Israel! Dengel kayo, sikayon kabyangay pamilya na ari! Nepeg yo komun so manintinsia onung ed katonungan—kanyan sikayo so nasintinsiaan a nadusa! Nagmaliw kayon patit diad Mizpa, nagmaliw kayon sakey ya iket ya akapanat ed Palandey na Tabor;

Deuteronomio 1:31

tan diad kalawakan. Anengneng yo no panoy abig na impangyakar tod sikayo diad sayan pasen, singa sakey ya aman angawit na melag a lakin anak to.’

Saray Salmo 123:2

No panoy paniilalo na aripen ed amo ton laki, o say aripen a bii ed amo ton bii, ontan met so paniilalo mid sika, Katawan a Dios mi, anggad kasian mo kami.

Probirbio 17:6

Saray mamasiken ikikinon da ray apo ra, a singa saray anak a lalaki ikikinon da ray kaamaan da.

Isaias 43:23

Ag mo ak inyakaran na karnirom a para bagat a popoolan; ag mo inkanan pangigalang ed siak iray bagat mo. Ag ta ka impansakbat na ambelat diad impamilit kod sikan mangibagat odino pinairap ta ka diad impankerew kod sikay insinso.

Jeremias 3:4

“Tan natan kuanmod siak, ‘Sika so amak, inaro mo ak nanlapu lad impanogaw ko.

Jeremias 35:16

Saray kabyangay boleg nen Jonadab inonur day ganggan na laki ra, balet sikayon totoo ag yo ak inonur.

Sofonias 3:4

Anggapoy kalakal, managtraidor iray propita; dodotakan na saray papari so bangatlan masanto, tan pipikeweten day ganggan na Dios, pian naala ray labay da.

Malakias 2:1

Say Katawan a Makapanyarin-amin kuantod saray papari, “Para sikayo yan ganggan!

Malakias 2:10

Ag ta saksakey so ama tayo? Ag ta saksakey a Dios so amalsad sikatayon amin? Akin sirin et ag tayo susumpalen so sipan tayod sakey tan sakey, tan akin et babalawen tayoy impisipanan na Dios ed saray lalaki tayo?

Deuteronomio 32:6

Onya so labay yon ibales ed Katawan, sikayon totoon makulang-kulang tan anggapoy liknaan? Sikato so ama yo ya amalsad sikayo, inletneg to kayo a sakey a bansa.

Isaias 45:10

Nitepel kasi na sakey a too ya ikuan ed saray atateng to, “Akin et onyay impanggawa yod siak?”

Isaias 64:7

Anggapoy onsisingger ed sikan mampikasi tan onkerew na tulong. Inyamutan mo kami tan inkaindan mo kami lapud saray kasalanan mi.

Malakias 3:5

Say Katawan a Makapanyarin-amin kuanto, “Onsabi ak a manintinsia ed sikayo, tan mantasi ak a tampol sumpad saray managsalamangkiro, saray managlawan, saray mantatasi na tila-tila ed korti, saray manasaol na suildo da ray kumikimey, tan saray mamapasegsegang ed saray balon bibii, saray olila, tan saray sangkaili—amin da ray mangigagalang ed siak.