Lucas 8:23 - Maung A Balita Biblia

²³ Nen ombabaliw ira, akaogip si Jesus. Binmagyo ed kawalaan dan dayat, tan say baloto ngalngali la napanoy danum, kanyan piligro la ra.

Maung a Balita Biblia

²³ Nen ombabaliw ira, akaogip si Jesus. Binmagyo ed kawalaan dan dayat, tan say baloto ngalngali la napanoy danum, kanyan piligro la ra.

Lucas 8:23 Referans Kwoze

Lucas 8:22

Aminsan ya agew, linmogad baloto si Jesus tan saray disipulo to. Inkuantod sikara, “Ombaliw itayo.” Kanyan sinmiput ira.

Isaias 54:11

Say Katawan kuanto, “O Jerusalem, sika a maniirap tan kaskasian a siudad, tan anggapoy manligliwad sika, saray mabmablin bato so ikanak ed pamaalagey ko lamet na saray pundasion mo.

Saray Salmo 148:8

sikayon kirmat tan kristal, yilo tan lorem, sikayo ran mabiskeg a dagem a mangoonur ed ganggan to.

Saray Salmo 44:23

Liing ka pa, Katawan! Akin et naogip ka? Bangon ka pa. Ag mo kami pa ipopolisay ya anggad angga!

Saray Hebreo 4:15

Sayan Pangulon Pari tayo walay pililikna tod saray kakapoyan tayo, ta asali ton singa sikatayo so amin a klasiy tukso, balet ag nankasalanan.

Lucas 5:1

Aminsan ya agew, manalalagey si Jesus ed gilig na Dayat na Genesaret. Manleletletan ya onsingger ed sikato ray totoon ondengel ed salitay Dios.

Saray Gawgawa 27:2

Linmogan kamid barkon nanlapud Adramitio tan mamaarap ed saray puirtoy Asia, insan kami la sinmiput. Kaiba miy Aristarco, sakey a Macedoniano a taga Tesalonica.

1 CORINTO 15:30

Tan sikami—akin et ipoposta miy bilay min inoras-oras?