Lucas 7:39 - Maung A Balita Biblia

³⁹ Nen anengneng ya na samay Pariseon angimbita, inkuantod sikaton dili, “No tuan propita yan too, kabat to komun no siopa yan bii so mandiriwit ed sikato—sakey a makasalanan!”

Maung a Balita Biblia

³⁹ Nen anengneng ya na samay Pariseon angimbita, inkuantod sikaton dili, No tuan propita yan too, kabat to komun no siopa yan bii so mandiriwit ed sikatosakey a makasalanan!

Lucas 7:39 Referans Kwoze

Lucas 7:16

Asabiay takot iray amin a wadman, tan indaydayew day Dios. Inkuanda, “Sinmabid pegley tayo so matalonggaring a propita! Ag nilingwanay Dios ya ilaban iray totoo to!”

Lucas 15:2

Balet ngoro-ngoro ray Pariseo tan saray iskriba tan inkuanda, “Sayan too aawaten to ray makasalanan tan mimikan nid sikara!”

Marcos 7:21

Ta manlapud otel na pusoy too iray maoges a kanunotan, pilalawanan, panagtakew, panagpatey,

Isaias 65:5

Insan da kukuan ed saray arum a totoo, ‘Arawi kayod sikami, ag yo kami nayarin diwiten lapud masansanto kami!’ Ag ko naanosan ira yan totoo—singa apoy ya ag naerep so pasnuk kod sikara.

Juan 9:24

Kanyan impatawag da lamet imay toon nianak a bulag tan kuanda, “Pagalangan moy Dios diad pangibagam na katwaan! Amta min makasalanan iman a too.”

Juan 7:12

Dakel so iyeesaes na saray totoon nipaakar ed sikato. “Maung a too,” kuan na saray arum, balet wala ray mangibabaga, “Andi, ta ibabalang to ray totoo.”

Juan 4:19

Inkuanto may bii ed kinen Jesus, “Nalilikas kon sakey kan propita.

Lucas 18:4

Abayag ya ag asasikasoey huis, balet diad kaonuran inkuanto lamlamang ed sikaton dili, ‘Anggaman ya ag ko tatakotay Dios odino gagalangen so too,

Lucas 16:3

‘Anto kasiy gawaen ko?’ inkuantod kanunotan to may inkargado. ‘Ekalen ak lay amok ed trabaho, et ag nayariay laman koy mankotkot na dalin tan ambaing ak a mipayabol.

Lucas 7:37

Diad saman a baley, walay biin bantug a makasalanan. Nadngelan ton mangakay Jesus ed abung to may Pariseo, kanyan linman sankaawit toy botilyan alabastro a napnoy pabalingit.

Lucas 3:8

Ipanengneng yod panagbilay yo sirin a binenegan yo la ray kasalanan yo. Tan ag yo ibagbagad sikayon dili, ‘Anak kami nen Abraham.’ Kuankod sikayo a nayarian na Dios a pagmaliwen ya anak nen Abraham ira yan bato.

Probirbio 23:7

“Sigi, mangan ka labat,” kuanto, anta kukuanto labat. Say petepeteg ya inkatoo to et say walad kanunotan to.

2 Saray Arari 5:20

nen si Giezi ya aripen nen Eliseo et inkuantod sikaton dili, “Ag impanbayar na amok si Naaman a Siriano. Inawat to komun imay iiter to. Diad ngaran na mabilay a Katawan, aboten ko, ta miala ak na antokaman ed sikato.”

Lucas 12:17

Nannunot tan inkuantod sikaton dili, ‘Anto kasiy gawaen ko, et anggapo lay napanginan koy naanik?

Mateo 20:16

Insan kuanen Jesus, “Kanyan makaona ray nanaonur, tan naonur iray makakaona.”

Mateo 21:11

Inmebat iray totoo, “Sikato yay propitan manngaray Jesus a taga Nazaret na Galilea.”

Lucas 7:38

Inmasingger ed nibeneg nen Jesus, diad saliyan to. Mannangnangis diman tan manterter so lua to ed sali nen Jesus. Pinonasan to ray sali nen Jesus na buek to, inanguban to ra tan pinoyukan to ray pabalingit.

Lucas 7:40

“Simon,” inkuanen Jesus, “wala pay labay kon ibagad sika.” “Anto man, Maistro?” ebat to.