Lucas 7:14 - Maung A Balita Biblia

¹⁴ Inmasingger, insan to diniwit so longun, kanyan tinmonda ra may mangaawit. Inkuanto natan, “Balolaki, kuankod sika, bangon ka!”

Maung a Balita Biblia

¹⁴ Inmasingger, insan to diniwit so longun, kanyan tinmonda ra may mangaawit. Inkuanto natan, Balolaki, kuankod sika, bangon ka!

Lucas 7:14 Referans Kwoze

Juan 5:25

Ibagak ed sikayoy katwaan: onsabiy oras, ginmapo la ingen, a narengel na saray inaatey so bosis na Anak na Dios, tan mambilay iray makadngel.

Juan 11:25

Inkuanen Jesus ed sikato, “Siak so kiolid bilay tan say bilay. Siopamay manisiad siak anggan ompatey, nabilay;

1 Saray Arari 17:21

Insan amitlon inyonat toy laman to ed tapew na samay ogaw, tan nampikasi, “O Katawan a Dios ko, pabilay mo pa yan ogaw!”

Saray Taga Roma 4:17

Onyay ibabagay Masanton Sulat: “Ginawa ta kan ama na amayamay a bansa.” Makana yan sipan ed arap na Dios a sinisia nen Abraham, say Dios a mamapabilay ed saray inaatey, tan mamapalesa ed saray anggapo diad panamegley na salita to.

Juan 5:21

Ta no panoy pamabilay na Ama ed saray inaatey, ontan met a pabilayen na Anak so siopaman a labay ton pabilayen.

Isaias 26:19

Mambilay lamet iray totoo min inaatey! Nabilay iray bangkay da. Amin da ray nanaogip ed saray lobuk da et ombangon ira tan mankanta rad liket. No panon a pabebetelen na linaew so dalin, ontan met a pabilayen na Katawan iray abayag lan inatey.

Saray Salmo 33:9

Nen nansalita, apalsay mundo; nen nangganggan, linmesay amin a bengatla.

Say Libro nen Job 14:14

No ompatey so too, nabilay ni kasi? Balet manalagar ak na magmaung a panaon, anggad napalabas yan panaon na gunigon.

Say Libro nen Job 14:12

Ontan met say toon inatey ag lan balut ombangon; ag la nabangon anggad mangangga ray katawenan; ag lan balut naliing ed ogip to.

TAGA-EFESO 5:12

(Ta talagan mabambanday ya anggan bitlaen labat so gagawaen dad amut.)

1 Saray Arari 17:22

Inebatan na Katawan so pikakasi nen Elias; pinmawil so kamarerwa to may ogaw, et abilay.

Marcos 5:41

Binembenan tod lima tan inkuanto, “Talitha, koum,” a say labay ton ibaga, “Ining, ibabagak ed sika, bangon ka!”

Lucas 7:13

Nen anengneng na Katawan imay ina na inatey akasian to, kanyan inkuanto, “Ag ka onaakis.”

Lucas 7:15

Inmalagey imay inatey tan ginapoan toy mansalita, tan inter nen Jesus ed samay ina to.

Lucas 7:17

Binmawag yan balitan nipaakar ed kinen Jesus ed intiron Judea tan diad amin a kaliber-liber a pasen.