Lucas 6:47 - Maung A Balita Biblia

⁴⁷ Ipanengneng kod sikayo no antoy aliling na toon onsisingger ed siak, ondedengel, tan ontotombuk ed saray salitak.

Maung a Balita Biblia

⁴⁷ Ipanengneng kod sikayo no antoy aliling na toon onsisingger ed siak, ondedengel, tan ontotombuk ed saray salitak.

Lucas 6:47 Referans Kwoze

Lucas 11:28

Balet inmebat si Jesus, “Lalo ni ingen a maliket iray ondedengel ed salitay Dios tan oonuren da!”

Juan 14:15

“No inaro yo ak, onuren yo ray ganggan ko.

Santiago 4:17

Siopamay makaamtay maung a nepeg ton gawaen, balet et ag to gawaen, sikatoy mankasalanan.

Mateo 12:50

Ta siopamay manggaway linawa na Amak a walad tawen, sikatoy agik, sikatoy inak.”

Juan 13:17

Natan ta amta yo la ra ya, maliket kayo na gawaen yo ra.

1 Pedro 2:4

Singger kayod Katawan, say baton mabilay ya imbantak na totoo, balet pinili na Dios tan mabmablid pakanengneng to.

Saray Hebreo 5:9

Nen agawa lan nagnap, nagmaliw ya andi-anggaan a Manangilaban na amin da ray mangoonur ed sikato,

Puyan 22:14

Maliket iray manlilinis na kawes da, pian naitdan iray kanepegan ya on-loob ed saray puirta na siudad tan mangan na bungay kiew na bilay.

Lucas 14:26

“Ag nayarin magmaliw a disipulok so sakey a toon ondagod siak, no say panangaro tod siak et ag ontalona ed panangaro tod ama tan say ina to, asawa tan saray anak to, agagi ton lalaki may bibii, tan say sikaton dili.

1 Juan 3:7

Anak, ag kayo papaibalang ed siopaman! Siopamay manggaway katonungan sikatoy matonung, a singa si Cristo et matonung

1 Juan 2:29

Amta yon matonung si Cristo; nepeg yon kabaten met sirin ya anak na Dios so balang sakey a manggagaway katonungan.

Juan 10:27

Ondedengel na bosis ko ray karnirok. Amtak ira tan totombuken da ak.

2 Pedro 1:10

Kanyan agagi, bangta tinawag tan pinili kayoy Dios, pansesegan yoy malet a pansiansia yo ed sayan kipapasen; no gawaen yo ya, ag yon balut ikaindan so pananisia yo.

Juan 6:37

Ondagon amin iray iter na Ama ed siak. Ag kon balut ipolisay so siopaman ya ondagod siak.

Juan 6:35

Inkuanen Jesus, “Siak so tinapay na bilay. Ag lan balut naerasan so siopaman ya ondagod siak, tan ag lan balut naapgaan so manisiad siak.

Juan 5:40

Balet, ag yo labay so onsingger ed siak pian nawalaan kayoy bilay.

Lucas 8:13

Saramay ilik a dinmapod dalin a batoy dalem to aliling day totoon ondedengel ed salitay Dios tan aawaten dan sililiket, balet ag onlalamut. Sisiaen da magano, balet no natukso ra, bigla met la ran ombetel.

Lucas 8:8

Wala met iray ilik a dinmapod mabonan dalin, tinmobo ra, tan nambunga na sanlalasus ya ilik so balang dawa.” Insan inkuanto na maksil, “Dengel kayo sirin, sikayo ran walay layag!”

Mateo 17:5

Mansasalita niy Pedro nen tinarungan iray maliwliwawan lorem tan walay bosis a nanlapud man ya inkuanto, “Sikato yay inararok ya Anak a pakaliliketan ko—dengel kayod sikato!”

Isaias 55:3

“Dengel kayo natan, sikayon totook, tan dago kayod siak; dago kayod siak et nawalaan kayoy bilay! Ando lan andoy pisipanan kod sikayo tan iter kod sikayoy bindision ya insipan kod kinen David.

Juan 8:52

Inkuan da ray Judio ed sikato, “Ag kami la manduaruwa natan ya inaponan kay dimonyo! Inatey si ama min Abraham tan saray propita, balet ibabagam, ‘Say mangonur na salitak ag balut ompatey.’

Lucas 6:48

Aliling toy sakey a toon angotkot na aralem, tan inletneg tod baton-dampay so pundasion na abung ya impaalagey to. Dinmelap, tan say maksil a danum binmasig ed saman ya abung, balet ag agalaw, lapud malet so inkagawa to.